Balita Hiligaynon

Ginpatawag kahapon sang mga opisyales sang siudad sang Bacolod ang tanan nga mga punong barangay para ipalab-ot sa ila ang mga kinahanglanon nga pagpanghanda sa 22 ka mga lugar nga natalana nga himuon nga vaccination center.Ginpahayag ni Councilor Renecito Novero nga mas maayo kun temprano mahibaluan sang mga punong barangay ang ila mga kinahanglanon nga himuon para masuguran na ang pagpanghanda.Ang mga health centers nga yara sa tupad sang barangay gym ukon buluthuan ang mga ginpangpili sang siudad nga himuon bilang vaccination centers.Ini agud mangin mahapos ang pagtipon sang mga pumuluyo nga pagadapatan sang COVID-19 vaccine.“So kinahanglan sila kay agud first of all kay ang campaign for educating and registering our vaccinees in each barangay. Number two in preparing th...

Liwat nga magabatun sang listahan ang Provincial Tourism Office sang Negros Occidental para sa mangin potential beneficiaries para sa mga trabahante nga na apektuhan sang pandemya.Suno kay Negros Occidental Governor Eugenio Jose Lacson iya na nga na abisuhan ang tourism officer nga si Jennylind Ccordero nga liwat mag baton sang potential beneficiaries.Sa pag hinun anon kay Tourism Secretary Bernaadette Romulo Puyat nahibaluan nga 20 porsiento lamang sang 3 bilyones pesos nga pondo nga gin pain para magbulig sa industriya sang turismo ang nagamit.Suno kay Lacson natukiban nila nga isa sa mga rason nga diutay ang na ka avail bangud may impormasyon nga dapat ang mga establisimiento dot accredited. Nakalaruhan na nga indi man kinahanglan dot acredited para maka avail importante lan...

May pagsaka sa presyo sang itlog sa karon.Sa monitoring sang Provincial Veterinary Office ang large nga itlog sa Cauayan 9.50 ang sa Calatrava gani napulo ka pesos.Sa pila naman ka baligyaan sa Bacolod otso pesos ang dalagko kag 5.50 ang gagmay. Salapi ang ginsaka.Suno kay Dr. Renante Decena, provincial veterinarian may 150,000 tubtob 200,000 ka itlog ang deficit sang probinsya sa kada adlaw.400,000 ka itlog ang gina produce sang commercial producers.Ang kakulang ang gina pun an sang supply gikan sa Iloilo kag bantayan.Nagmahal subong ang itlog bangud manubo ang supply. Apektado ang pagpangitlog sang mga layers bangud sang malain nga panahon. Ang pag transport sang supply sang itlog gikan sa kaiping nga mga isla ang apektado man bangud sang malain nga panahon.suno k...

Makita sa video nga ginapasa pasahan sa karon sa soical media nga nabudlayan sa pag isol ang isa ford everest bangud sang manubo nga barrier sa parking lot.Sang makaisol, rekta rekta na nga nag isol kag nag bunggo sa naga parking nga salakyan ang SUV.Suno kay Police Captain Richard Fajarito, pamuno sang Police Station 3, Lunes sang hapon ini nga insidente natabo sa Paseo Verde sa Barangay Mandalagan.Si Fajarito nag siling nga nag buylo ang SUV sang pag isol agud maka gwa sa barrier kag nag butyog ini rekta sa naga parking nga salakyan.Automatic ang SUV suno kay Fajarito.Tatlo tanan ka mga salakyan ang na damage bangud sang pag bunggo suno sa pulis.Settled naman ini tanan suno kay Fajarito.

Joval Catanghal photoPilason ang 52 anyos nga traffic enforcer nga si Joel Alejo matapos tiruhon sang wala pa makilala nga riding in tandem sa dalan sa bahin sang Barangay E-Lopez sa siudad sang Silay kahapon.Sa imbestigsayson sang PNP, naga papauli na kun tani si Alejo gikan sa trabaho sang hinali na lang siya palukpan sang armas sang naga sakay sa motorsiklo nga naga sunod sa iya.Anum ka empty shell sang calibre 45 nga armas ang nakuha sa crime scene.Pero isa lang ka igu sang bala sa tiyan ang naagum ni Alejo suno sa pulis.Gina hibalo pa sang PNP kun ano ang motibo sang pag pangluthang sa traffic enforcer.

Nagsaka sa 1,244 ang covid 19 cases sa Negros Oriental matapos ini madugangan sang 30 ka bag-o nga kaso sang kahapon.Onse sa bag-o nga kaso sang COVID-19 sa probinsya ang gikan sa Dumaguete City nga amo sa gihapon ang may pinaka damo nga active COVID-19 cases sa Negros Oriental. 85 ang active cases sa karon sa Dumaguete.May walo man ka bag-o nga kaso sa Sibulan. Ang Bayawan City ang may tatlo man ka bag-o nga kaso sang COVID-19 matapos sang duha ka semana nga COVID-free ukon wala sang active case ang siudad.Ang banwa sang Basay, Pamplona, Mabinay, Jimalalud, La Libertad kag Vallehermoso amo ang naga pabilin nga zero active cases sang COVID-19 sa Negros Oriental.222 ang total active cases sa karon sa probinsya.

May yara sang pila ka mga pumuluyo nga nahadlok magpadulong sa mga medical facilities para magpaidalum sa RT-PCR testing bangud basi malatnan sila sang COVID-19 sa amo nga lugar.Amo kun ngaa may yara na karon sang pila ka mga medical institution nga nagapatuman sang nagkalain-lain nga mga pamaagi para masolusyan ang amo nga kahangawa.Ang Riverside Medical Center ang naglunsar sang ila ginatawag nga drive thru testing.Indi na kinahanglan nga magwa pa sa ila salakyan ang magapa swab test bangud ang medtech na mismo nga nakasuksuk sang personal protective equipment ang magapalapit sa ila kag magakuha sang swab sample.Pinaagi sini, mas makasiguro ang nagapa swab nga indi siya malatnan sang virus sa sulod sang medical facility."There are those who prefer to avoid to go insid...

Nadugangan sang walo ka kaso sang COVID-19 ang Negros Oriental kahapon. Apat sa bag-o nga kaso ang yara sa Bacong kabahin na ang isa ka teacher, duha sa Tanjay City, kag isa naman sa Guihulngan kag Santa Catalina.May duha man ka dugang nga napatay bangud sang COVID-19 nga pareho yara sa Dumaguete City.nag record man sang 16 new recoveries ang probinsya. 1214 na ang total cases sang covid-19 sa Negros Oriental kag 219 ang active cases.Samtang, bangud sang mataas nga kaso sang COVID-19 sa siudad sang Dumaguete, sila ang karon nag patigayon sang house to house medical mission kag active case finding.Sang Sabado sila ang nag padulong sa mga panimalay kag nag check up sa mga residente kasubong nag hatag sang bitamina kag mga face mask.Ini ang isa sang mga tikang sang siudad ...

TF Disiplina photoPamuno sang Task Force Disiplina ang nagapanawagan sa konseho sang Bacolod sa pagbutang sang multa sa mga establisimiento komersyal nga wala naga require sang ila mga customers nga magsuksuk sang face shield.Ginpahayag sang pamuno sang task force nga si Wilfredo Geolingo nga sa ila paglibot sa mga merkado kag downtown area sang Bacolod kahapon, madamo sa gihapon ang wala nagasuksuk sang face shield.May iban man nga indi husto ang pagsuksuk sang face shield bangud ila lamang ini ginabutang sa ibabaw sang ila ulo.Isa-isa nga ginsulod sang task force ang mga baligyaan nga may mga customer nga wala nagasuksuk sang face shield kag ginpahanumdum nga estrikto nga ipatuman ang ordinansa sa pagsuksuk sang face shield magluwas sang face mask sa mga pampubliko nga lu...

May oil price hike subong nga adlaw sa presyos sang produkto petrolyo. Ini ang ika anum na nga semana nga padayon ang pagsaka sa presyo sang krudo kag sang gasolina.P1.05 ang gin mahal subong nga adlaw sang diesel kag P1 naman sa gasolina.Pero kun sumahon sa anum ka sunod nga semana nga oil price hike, yara na sa P5 ang ginmahal sang krudo kag P3.70 naman ang sa gasolina.Ang pagmahal sang presyo sa world market kag pagsaka sang demand sa gatong ang ginatan-aw nga kabangdanan sang padayon nga oil price hike sa produkto petrolyo.