Isa ka Coast Guard personnel sa kada isa ka kilometro sang coastline. Ini ang tuyo sang PCG rason nga suno kay Admiral George Ursabia, Jr ang Commandant sang PCG padayon ang ila nga pag hire sang dugang nga personnel para malambot ang target nga 40,000.
Sa karon, may 18,500 ka katapo ang PCG.
Si Ursabia ang dinapit nga bisita anibersaryo sang Coast Guard District sa Southern Visayas.
Kabahin na sa mandato sang PCG ang pagpasiguro sang nagakaigo nga seguridad sa mga puerto, sa coastline, lakip na environmental protection kag sakop sang maritime domain.
Pero luyag ni Ursabia nga nag punko sang hunyo bilang pamuno sang PCG nga indi pagkalipatan sang mga personnel sang Coast Guard ang gugma sa pungsod, ang mag mangin maluluy-on kag kahadlok sa Dios.
Ini suno sa iya ang iya nga gina sulit-sulit pahanumdom sa ila.
Indi sya luyag sang arogante kag abusado nga personnel.
Samtang, suno kay Ursabia, magapaidalom sila sa pagpa bakuna kontra COVID-19 sa tion nga may mando sila nga mabaton para diri.
Ang uniformed personnel isa sa mga hatagan sang priority para sa COVID-19 vaccine.