Pagtukod sang Provincial Inter-Agency Task Force nga maga tutok sa gina atubang nga problema dala sang RSSI ang gina panawagan.
Ginaduso ni 5th District Representative Emilio Bernardino Dino Yulo ang pag tuga sang Provincial inter-agency task force para sa RSSI.
Luyag niya nga ang provincial government ang maga panguna sini.
Iya gina panawagan man ang Department of Agriculture, ang Sugar Regulatory Administration, Bureau of Plant Industry, Land Bank of the Philippines, mga concerned local government units kag iban pa gid nga nagakaigo nga ahensya nga gilayon mag-convene.
Bukas siya sa pagbulig diri.
May yara na sang TF ang SRA, pero suno kay Yulo kun SRA lamang indi masarangan sini ang ulubrahon. Kulang man ang ahensya sang personnel kag logistics.
Ang problema sa RSSI mahimo nga mangin provicewide bisan pa gani mangin islandwide suno sa iya.
Sa June 11 nga report sang SRA nagdangat na sa masobra 4,800 ka ektariya sang katubuhan ang na-igo sang RSSI sa Visayas. Sa sulod sang anum lamang ka adlaw humalin sang June 5 nga report, sobra sa doble ang ginsaka sa kalaparon sang katubuhan nga na apektuhan sang RSSI.
Sang 2025 nag deklarar sang state of calamity bangud sang RSSI. Tuyo sadto nga magamit ang pondo para makapatuman sang tikang nga mapamatukan ang RSSI. Karon, suno kay Yulo ang mga dalagko nga sugar planters may sarang nga makabakal sang pesticide, pero dapat mahatagan sang konsiderasyon ang sitwasyon sang magagmay nga apektado nga sugarcane farmers. Basi kinahanglanon ang calamity fund para diri.
Samtang, gina verify nila ang reports nga may yara man sang pag pang atake sang fall army worms.
“We would like the governor to take the lead. This is not just an agricultural problem. After a while it’s going to become an economic problem and a social order problem. Ako ya mabulig ko. Nagpanawagan ko”, suno kay Yulo.
[sibwp_form id=1]