Shadow

10% sang target nga mabakunahan sa Bacolod tigayon nga nabakunahan

May dies porsyiento na ukon masobra na sa 58 mil ang nakapabakuna sang Covid-19 vaccine sa nagapadayon nga mass vaccination sang siudad sang Bacolod.

Ini bisan nagapabilin nga madiutay lang ang naga-inabot nga vaccine allocation nga gikan sa national government.

Suno kay Dr. Edwin Miraflor, officer in charge sang Bacolod City Health Office, madasig ang vaccination roll out sang siudad karon nga may dugang nga vaccination center sa mall kag naga-sige man ang mass vaccination sa mga kabarangayan.

Ginalauman lang ni Miraflor upod sa pamunuan sang Bacolod Emergency Operation Center nga kuntani madugangan ang Covid-19 vaccine allocation nga naga-gikan sa national government kag matigayon ang pag-abot sang gin-advance purhase nga supply sang bakuna sa Hulyo.

Ginsiling man ni Miraflor nga indi man malipod nga may pila ka mga individual nga nagakapaslawan magpabakuna para sa ila ika duha nga dose sa gintalana nga schedule .

Pero sarang nila sa gihapon ini nga mapadayon agud man mapangapinan ang kaugalingon sa epekto sang Covid-19.

Samtang, nagapabilin naman nga yara sa 75 porsyiento ang workforce sa mga pampubliko kag pribado nga komboyahan sa Bacolod.

Nagapabilin man nga limitado ang mga pasahero sa mga pampubliko nga salakyan kag nagapadayon man ang border checkpoint sa pila ka mga lugar sa Bacolod.

Gani suno kay Miraflor halos wala man sang ligwaton sa mangin pagsulundan sang siudad sa tion nga ini ang magabalik sa general community quarantine sandig sa mandu sang National Inter-Agency Task Force.

Pero padayon lang ang paandam sang siudad sa publiko angut sa pagsunod sa minimum health standard protocol kontra sa Covid-19.

:Ginagmay lang gihapon ang gaabot. Ang manami lang kay ang response sang barangay ta is increasing man noh, so ang total registration sang aton eligible population is almost 25 percent naman kag ang aton na vaccinate na is almost 10 percent sang aton eligible population ang aton expected is about 400 thousand plus,” suno kay Miraflor.

Leave a Reply

Your email address will not be published. Required fields are marked *

Secured By miniOrangeSecured By miniOrange