Shadow

Retirement ang pinaka maayo nga solusyon nga nakita ni Atty. Masculino

Masakit man pero para kay Provincial Agriculturist Atty Japhet Masculino, pero pinaka maayo na nga solusyon nga iya nakit-an amo ang iya nga pag-retiro.

Sa interview sa katapo sang media, suno sa kay Masculino, iya na nga gin-arrange kay Negros Occidental Governor Eugenio Jose Lacson nga siya ang maga retiro kag tubtob na lamang siya sa Hunyo 30. Iya na lamang bayaran personal ang isa ka milyon ka pesos nga gina sukot sang isa ka caterer sa probinsya sa idalom sang talatapan sang OPA.

Paathag ni Masculino nag gamo na kag sang ulihi ang mode of procurement para sa amo nga transaksyon ang nangin sala. Damlag pa ginpapanaugan si Masculino sang show cause order matapos magpanukot ang tag-iya sang amo nga catering service bangud wala mabayaran.

62 anyos si Masculino kag iya ginpakamaayo nga mag avail sang optional retirement. 39 ka tuig siya sa serbisyo.

“Painful gid tuod eh, pero siling ko para tapos na lang siya amo na lang na akon solusyon nga gin offer kanday gov. Ma retire na lang ko gov bayran ko na lang ang amount…actually, daw nag ano siya nag topsy turvy na. Nag okay naman nga ma proceed ang catering. Later on sala gali ang mode of procurement. Natapos na ang catering kag nag bidding. Tamadan na ko mag palibog pa sa iban,” suno kay Masculino.

Leave a Reply

Your email address will not be published. Required fields are marked *

Secured By miniOrangeSecured By miniOrange