Balita Hiligaynon

Isa ka enkwentro ang nagluntad kahapon sang hapon, Nobyembre 4, sa Sitio Inangaw, Brgy. Sandayao sa siudad sang Guihulngan sa tunga sang tropa ka 62nd Infantry Battalion kag ginabulubanta 15 ka mga miyembro sang communist terrorist group.Sa initial nga impormasyon sang 62nd IB, ang tropa ang nagapatigayon lang sang combat operations sang ila maka engkwentro ang mga rebelde.Naglawig snag 15 minutos ang bayluhanay sang lupok nga nag resulta sang pagkasamad sang isa ka miyembro sang militar.Wala naman mahibaluan suno sa army kun may napilasan sa tropa sang mga rebelde.Nag pangayo na sang bulig ang army sa Guihulngan PNP para malagas ukon madakop ang mga rebelde.

Bacolod City Health officer ang on leave lang. Ini ang paathag ni Bacolod City Administrator Em Ang.Ini sa pihak sang naga ginuha karon nga mga isyu sa social media nga ginkakas sa iya pwesto si Bacolod City Health Officer Dr. Carmela Gensoli bangud sang akusasyon sang anomaliya kag sa karon under investigation.Sa post sang “Revolutionary Bacolod” nga account, ang pag require sang xray sa pagkuha sang travel pass ang nangin isa sa mga ugat sa pagkakas sa kay Gensoli sa pwesto.Paathag ni Ang, wala ginkakas sa pwesto si Gensoli. Naka leave siya gani gin butang bilang officer in charge si Dr. Edwin Miraflor Jr.Dugang pa ni Ang, importante ang Health Office department sa sini nga panahon sang pandemia gani may gintalana nga health officer in charge.Si Gensoli ang magabalik ...

Otsenta’y nuebe por siento nga nag nubo ang kadamuon sang kaso sang dengue sa siudad sang Bacolod.Ini sandig sa record sang City Health Office humalin Enero tubtob Oktubre 31 sini nga tuig kun ipaanggid sa kasubong man nga tiun sang 2019.Sa datus sang CHO 274 ang kaso sang dengue nga na record subong nga tuig. Wala man sang may gin report nga napatay.Sa mga barangay, ang Barangay singcang-airport ang may pinakadamo nga na-record nga kaso, 26, nagasunod naman ang Mandalagan nga may 22 kag Sum-ag kag Mansilingan nga pareho may 21 ka kaso sang dengue.Sang 2019, 2,503 ang na igo sang dengue kag may siyam ka iban pa ang napatay.Wala naman untat ang pahanumdom sang CHO sa pumuluyo nga mag mangin matinlo sa palibot.

Sa siudad sang Bago, isa ka wreath laying ceremony ang gin patigayon kaina sang aga sa pagdumdom sang Cinco de Noviembre.Si Mayor Nicholas Yulo ang nagpamuno sa amo nga seremonya sa istatwa ni General Juan Araneta.Sa Silay naman, isa ka simple nga seremonya ang ginpatigayon sa plaza.Suno kay Mayor Mark Golez, mga opisyales sang siudad, katapo sang PNP kag BFP ilakip na ang barangay officials sang Brgy. 3 ang nag buylog.Suno kay Golez nangin simple ang pagtililipon sa pagdumdom sang pagkabaganihan sang mga Negrense kay wala man gina tugutan sa karon ang dalagko nga pagtililipon.Wala naman sang activity sa probinsya sang Negros Occidental pero padayon suno sa gobernador ang pagdumdom sang makahukugan nga kasaysayan.May 30 naman ka mga centenarian nga maga baton sang 1...

Nakabaton ang Securities and Exchange Commission – Bacolod Extension Office sang mga reklamo nga may yara santg mga financing institutions nga wala nagapatuman sang mandatory grace period para sa ila mga loans sandig sa Bayanihan to Recover as One Act.Nakabutang sa amo nga kasuguan nga dapat hatagan sang mga bangko, quasi-banks, financing companies, lending companies, microfinance – NGOs kag iban pa nga mga financing institutions sang 60 ka adlaw nga grace period ang tanan nila nga mga existing, current kag outstanding loans nga may due date antes ukon sa Disyembre 31 sini nga tuig.Indi nila dapat pagbutangan sang interest ang balayran sa ti-on sang amo nga 60 day grace period kag ang accrued interest ang mahimo bayaran pinaagi sa staggered basis tubtub Disyembre 31.Natalana ma...

Mga personnel sang Central Negros Electric Cooperative (CENECO) kag Negros Occidental Electric Cooperative (NOCECO) igapadala sa Oriental kag Occidental Mindoro para magbulig balik sang supply sang kuryente sa amo nga mga probinsya.Ini ang sabat sang mga eletric cooperative sa Negros Occidental sa panawagan sang Philippine Rural Electric Cooperatives Association nga buligan nga gilayon mabalik ang supply sang kuryente sa mga probinsya nga lubos nga apektado sang super typhoon nga “Rolly” nga nag igo sa Pilipinas.Duha ka semana ang walo ka personnel sang CENECO kag pito sang NOCECO nga maga tinir sa Mindoro para sa power restoration.Ini tanan ang kabahin sang Power Restoration Rapid Deployment nga programa sang gobyerno.

Lakip sa bag-o nga mga kaso sang COVID-19 sa Negros Oriental ang pila ka mga government employees, barangay kagawad kag pulis.Ang Guihulngan City amo ang sa gihapon ang may pinkadamo nga bag-o nga kaso kag naga sunod ang Bayawan City.May mga bago man kaso sang COVID-19 sa Zamboanguita, La Libertad, Santa Catalina, Ayungon, Tanjay, Mabinay, Tayasan kag Bacong.May duha na ka napatay bangud sang COVID-19 sa probinsya.361 na tanan ang COVID-19 cases sa Negros Oriental kag 136 diri ang active cases.

Matapos nga ginkasugtan sang dsei siyete ka mga mayor sang tanan nga mga banwa sa Negros Occidental nga rentahan ang bug-os nga compound sang isa ka pre school sa 6th Street sa Bacolod para himuon nga temporary shelter sang mga watcher sang pasyente sa CLMMRH.Karon gina updan pa gid ini sang sosasyon sang mga alkalde naman sang mga siudad ukon Association of Chief Executives.Suno kay Mayor Richard Jaojoco sang Toboso, ginkasugtan sang kahapon sang tanan nga mga mayor sang mga banwa sa bug-os nga probinsya ukon League on Municipalities in the Philippines.Sang makita sang ila presidente nga si Mayor Bebot Miravalles sang Valladolid ang sitwasyon sang pre school nga gin rentahan ni Jaojoco damlag pa, iya gina desisyonan nga mag isa na lang ang tanan nga mga alkalde para bayaran an...

Courtesy of City DRRMO98 ka mga trabahador sang slaughter house sa Bacolod ginpaidalom sa swab test.Ini ang ginpahayag sang cluster head on markets sang Bacolod nga si Ernie Pineda.Suno kay Pineda matapos nga ginpa swab test ang mga market vendors ila gindason ang mga empleyado sang AVM Bernardo Slaughter House sa Barangay Handumanan.Ini para masiguro nga wala sa ila sang infected sang COVID-19.Masunod nga plano sang siudad nga ipa swab test ang mga yara sa food delivery services.