858 ka mga market vendors kag mga empleyado sang siudad nga naga padulong sa merkado ang ginpaidalom sa surveillance testing.
Trese sa ila ang nag positibo sa COVID-19. 12 taga Bacolod kag 1 gikan sa Bago City.
Suno kay Dr. Chris sorongon, ang deputy for medical sang Emergency Operations Center sang Bacolod, 1.5% lamang ini sang total number sang nagpa swab.
Suno sa EOC executive director kag City Administrator sang Bacolod nga si Em Ang, sa pihak sang mass testing nga gina himo sang siudad padayon nga nangin manubo ang COVID-19 positive sa Bacolod gani naga pakita lamang ini nga under control na ang COVID cases.
Ini sa pihak sang mga isyu nga gina haboy batuk sa lgu nga manubo ang numero sang COVID-19 positive sa Bacolod bangud wala sang may gina test.
Suno sa cluster head on markets nga si Ernie Pineda, makabig nga compliant na ang halos tanan sa sektor sang merkado.
Sa madason nga semana igasunod naman ang masobra isa ka libo ka mga Barangay Health Emergency Response Team ukon BHERTS.
Pagkatapos nila amo naman ang sa sektor sang public transportation nga ila nga gin sapul sini nga hapon. Pati ang mga yara sa food delivery services maga paidalom man sa surveillance testing.
Dugang pa sang mga opsiyal sang Bacolod, 28 na tanan ka mga barangay sa karon ang makabig nga COVID-free sa sulod sang duha ka semana.