Shadow

Al Cinco De Noviembre gindumdom

Sa siudad sang Bago, isa ka wreath laying ceremony ang gin patigayon kaina sang aga sa pagdumdom sang Cinco de Noviembre.

Si Mayor Nicholas Yulo ang nagpamuno sa amo nga seremonya sa istatwa ni General Juan Araneta.

Sa Silay naman, isa ka simple nga seremonya ang ginpatigayon sa plaza.

Suno kay Mayor Mark Golez, mga opisyales sang siudad, katapo sang PNP kag BFP ilakip na ang barangay officials sang Brgy. 3 ang nag buylog.

Suno kay Golez nangin simple ang pagtililipon sa pagdumdom sang pagkabaganihan sang mga Negrense kay wala man gina tugutan sa karon ang dalagko nga pagtililipon.

Wala naman sang activity sa probinsya sang Negros Occidental pero padayon suno sa gobernador ang pagdumdom sang makahukugan nga kasaysayan.

May 30 naman ka mga centenarian nga maga baton sang 100,000 pesos nga reward pero ini ang iga dul ong na sa ila.

Sa mensahe naman ni Governor Eugenio Jose Lacson iya ginsiling nga may pani bag o nga gina pakig away karon kag ini ang virus. Yara na sa tagsa tagsa suno sa iya ang pagpatuman disiplina para mangin madinalag on.

Secured By miniOrangeSecured By miniOrange