Shadow

ACE kag LMP mabinuligay sa pag renta sang lugar para sa watcher sang pasyente sa CLMMRH

Matapos nga ginkasugtan sang dsei siyete ka mga mayor sang tanan nga mga banwa sa Negros Occidental nga rentahan ang bug-os nga compound sang isa ka pre school sa 6th Street sa Bacolod para himuon nga temporary shelter sang mga watcher sang pasyente sa CLMMRH.

Karon gina updan pa gid ini sang sosasyon sang mga alkalde naman sang mga siudad ukon Association of Chief Executives.

Suno kay Mayor Richard Jaojoco sang Toboso, ginkasugtan sang kahapon sang tanan nga mga mayor sang mga banwa sa bug-os nga probinsya ukon League on Municipalities in the Philippines.

Sang makita sang ila presidente nga si Mayor Bebot Miravalles sang Valladolid ang sitwasyon sang pre school nga gin rentahan ni Jaojoco damlag pa, iya gina desisyonan nga mag isa na lang ang tanan nga mga alkalde para bayaran ang renta sa bug-os nga compound.

May mga kwarto ini nga may mga double decks kag may separado nga mga banyo ang mga lalaki kag babaye.

Ila man ginsugilanon si Mayor Frederick Palanca sang Victorias kag presidente naman sang asosasyon sang mga mayor sa mga siudad sa probinsya.

Naga pabor man siya sa sini nga plano nga himuon na lang ang lugar bilang temporaryo nga ilistaran sang mga watchers sa CLMMRH.

Maga butang sila sang help desk mismo sa gwa sang ospital para matutuyan ang mga watchers.

Damlag pa gindumilian na ang mga watchers sa sulod sang clmmrh bangud nga may kaso na nga nag positibo sa COVID-19 nga mga watchers.

Subong nga adlaw, bilang pagdumdum sang Negros Day maga sugod na sila sa pagbaton sang mga watchers sa ila gin rentahan nga compound.

Secured By miniOrangeSecured By miniOrange