Nakabaton ang Securities and Exchange Commission – Bacolod Extension Office sang mga reklamo nga may yara santg mga financing institutions nga wala nagapatuman sang mandatory grace period para sa ila mga loans sandig sa Bayanihan to Recover as One Act.
Nakabutang sa amo nga kasuguan nga dapat hatagan sang mga bangko, quasi-banks, financing companies, lending companies, microfinance – NGOs kag iban pa nga mga financing institutions sang 60 ka adlaw nga grace period ang tanan nila nga mga existing, current kag outstanding loans nga may due date antes ukon sa Disyembre 31 sini nga tuig.
Indi nila dapat pagbutangan sang interest ang balayran sa ti-on sang amo nga 60 day grace period kag ang accrued interest ang mahimo bayaran pinaagi sa staggered basis tubtub Disyembre 31.
Natalana man nga magpatigayon sang ocular inspection ang SEC sa talatapan sang mga financial, lending kag microfinance companies para ma update ang ila database sang mga address sang mga kumbuyahan.