Balita Hiligaynon

Hinigaran PNP photoPatay ang duha ka lalaki nga naga angkasanay sa motorsiklo matapos maka bunggo sa naga parking nga truck sang kagab-i sa highway sa Barangay Gargato sa Hinigaran.Ang mga napatay ginkilala nga sanday Janu Yunsal kag Chrismichu David.Suno sa hepe sang Hinigaran PNP nga si Major John Ganzon, posible nga maovertake kun tani ang rusi nga motor nga ginadala sang biktima ugaling mahimro nga na alang alang ini kag nag rekta sa naga parking nga truck.May early warning device man ang truck suno kay Ganzon.Ang naga sunod nga kawasaki nga motorsiklo ang natumba man matapos mabungguan ang natumba nga motor nanday Yunsal kag David.Pilason ang duha ka naga angkasanay sa kawasaki.Sanday Yunsal kag David ang patay na sang mag abot sa ospital.

Quarantine facility sa Barangay Alijis sa siudad sang Bacolod sa madason nga tuig pa magamit bangud indi pa ini handa kag padayon pa nga gina obra sang City Engineer’s Office.Suno kay Bacolod Emergency Operations Center Executive Director kag City Administrator nga si Em Ang, mahimo sa first quarter pa sa madason nga tuig magamit ang isolation facility bangud magluwas nga wala pa ini sang kaugalingon nga linya sang kuryente kinahanglan pa nga kay-uhon ang dalan pakadto sa lugar.Ginpahayag ni Ang nga indi pa man karon kinahanglan ang amo nga facility bangud madamo pa sang bakante nga mga isolation rooms sa mga eskwelahan sa siudad nga nagaserbe nga quarantine facility para sa mga COVID-19 patients.Pero sumugod sa Enero sa madason nga tuig indi na magamit ang mga eskwelahan bilan...

BCPO photoArestado ang 22 anyos nga si July Hilado sang madakpan matapos niya gin kawat ang 12 gauge shotgun sang isa ka gwardiya sa warehouse sa Barangay Singcang Airport kahapon sang kaagahon.Suno kay Police Captain Jun Ray Batadlan, commander sang Police Station 8, alas dos sang kaagahon sang gin kuha ni Hilado ang armas ni Security Guard Warlito Perocho sang magpangihi ini.Pero suno kay Batadlan naabtan pa ni Perocho ang suspek gani nag agaway la sila sang shotgun.Ugaling nakuha ini sang suspek kag hana pa gintiro ang gwardiya pero wala naglupok.Nagpangayo sang tabang ang gwardiya sa mga katupad nga warehouse kag tigayon man nadakop si Hilado nga ginkastigo pa.Kaso nga robbery kag grave threat ang ipasaka subong nga adlaw sa iya.

Ginpahayag sang Station Commander sang Police Station 2 nga si Captain Leo Estopa nga tubtob karon, wala pa sila sang may naka padulong sa ila talatapan agud mag file sang blotter report angut sa gina alegar abduction nga natabo kagab-i sa 19th Lacson Street sa Bacolod.Suno kay Estopa, bisan pa wala sang pormal nga reklamo, ila man kagab-i nga ginkadtuan ang lugar kun sa diin natabo ang ginag alegar abduction kag gin usisa ang saksi.Ang gwardiya suno sa pulis nag siling nga iya nakita nga ginpanaugan ang isa ka babayi pero sila ang naka istoryahanay pa antes siya ginpwersa pasakay sa isa ka SUV sa bulig sang isa pa ka persona.Pero si Estopa nagsiling nga ini tanan ang alegasyon lang kay man wala man sila makabaton pormal nga reklamo kag wala man sang may naka report sa mga poli...

May 14 ka na record sang COVID-19 case sa sulod lamang sang napulo ka adlaw sa Hacienda Sta. Teresa suno kay EB Magalona Mayor Marvin Malacon.Ini ang rason suno sa alkalde sang pagpatuman sang granular lockdown sa lugar sa sulod sang pito ka adlaw, ukon maga depende naman sa mangin resulta sang swab test.Patigayunon man ang mass testing subong nga adlaw. Ang tanan nga pumuluyo ipaidalom sa testing suno sa alkalde.Suno kay Malacon ini ang kabahin sa mga tikang nga ginpatuman para malikawan ang paglapta pa gid sang virus sa banwa.Dugang pa ni Malacon, ang mga pumuluyo, apesar sang sulit sulit nga pahanumdom ang wala nagasunod sang mimimum health protocol kasubong sang pag gamit sang mask.May iban gani naga balhin balhin pa sang lugar.May dialysis patient gani suno kay...

PDEA photoGindakop sa buybust operation kahapon si Jess Mark Mananquil nga isa ka Administrative Assistant II sang Department of Education sa banwa sang Bindoy sa Negros Oriental.Sa National Highway sa Brgy. Domolog sa Bindoy gin patigayon ang buybust sa pagpanguna sang Philippine Drug Enforcement Agency.Nakuha kay Mananquil ang lima ka sachet sang ginapatihan shabu nga ginabulubanta nagabalor sang P20,400.Si Mananquil nga ginakabig man sang PDEA nga isa ka high value target ang detained na kag kaso nga pagsupak sa RA 9165 ang ipasaka batuk sa iya.

Matapos nga ginticketan sang mga pulis bangud sang ilegal parking nag singgitan ang ini nga negosyante sa may dalan Luzuriaga kaina sang aga.Ginsaway siya sang mga traffic enforcer nga indi na pwede maka parking sa amo nga bahin sang dalan kag pag ariya na lang sang mga karga kag produkto ang pwede diri sumugod sang Lunes pero naakig siya.Suno sa enforcer wala sang excused sa road clearing operation nila. Negosyante man ukon jeepney driver.Humalin sang Lunes gina hawanan na sang City Legal Office Enforcement Team ang downtown sang Bacolod.Naga balik balik lang ang iban sa pwesto. Kada may mag abot nga taga City Legal naga pinalumba sila sa pag dinalagan.Suno sa mga vendors naga apela sila sa siudad nga kun tani matagaan sila sang bisan gamay lang nga pwesto sa sidewalk ...

Humalin sang bulan sang Oktubre suno sa negosyante nga si Ramon Uberas, tayuyon ang pagsaka sa presyo sang baboy bisan pa ang sa baka.Ang baligyaanay sa Burgos Market suno kay Uberas 230 ang baboy 300 pesos nman ang kilo sang baka.Nagsugod ang saka sa presyo sang baboy sumugod sang nag supply ang probinsya sang live ukon buhi nga baboy sa Luzon.Suno kay uberas naga pabilin nga pigaado ang baligyaanay, manubo suno sa iya ang buying power sang konsumedor.Dugang pa niya ang ila nga benta mga singkwenta por siento ang ginnubo.Paaathag ni Dr. Renante decena, ang provincial veterinarian, tungod sang pagtaas sang demand gikan sa Luzon, nagsaka ang liveweight sang baboy rason nga apektado man ang retail price karon.Pero ang presyo sang baboy sa probinsya 88 sentimos ang ave...

Bago PNP photoPatay ang maglive-in partner nga sanday Myrone Eslais kag Debbie Joy Leganada matapos makabunggo ang ila motorsiklo kagabi sa isa ka tricycle sa National Highway sang Barangay Maao sa Bago City.Suno kay Police Chief Master Sargeant Celso Omega, deputy sang Bago City PNP, papuli na kuntani ang maglive-in partner sa La Carlota gikan Bacolod kun sa diin sila naga trabaho, sang maglapaw sa pihak nga lane ang ila nga motor pag lab-ot sa kurbada nga bahin sang dalan.Ang ila paglapaw sa lane ang nagresulta sang pagkabunggo sang motor sa naga dalagan man nga tricycle sa pihak nga lane.Bangud sang makusog nga impact, pareho nga nag agum sang pilas sa ulo sanday Eslais kag Legalada nga nagreulta sang ila kamatayon.Kritikal ang kondisyon sang driver sang tricycle nga...

Konseho sang Bacolod ang nagpasar sang resolusyon nga nagahinyo sa alkalde nga tun-an ang posibilidad sa paggamit sang available nga pondo sang siudad para sa pagpatukod sang kaugalingon sini nga ospital.Nangin mainit ang pagtalakay sang mga katapo sang Sangguniang Panlungsod sa ila virtual session kahapon sa resolusyon nga gin-propose ni Councilor Wilson Gamboa Jr. nga nagahinyo kay Bacolod Mayor Evelio Leonardia nga gamiton ang available credit line sang siudad sa bangko sa pagpatukod sang ospital.Ini bangud ang Corazon Locsin Montelibano Memorial Regional Hospital lamang karon ang naga isahanon nga public hospital nga ginakadtuan sang mga pumuluyo sang Bacolod.Pero ginpahayag sang iban nga mga konsehal nga indi na mahimo nga tandugon ang credit line sang siudad sa mga bangko...