Humalin sang bulan sang Oktubre suno sa negosyante nga si Ramon Uberas, tayuyon ang pagsaka sa presyo sang baboy bisan pa ang sa baka.
Ang baligyaanay sa Burgos Market suno kay Uberas 230 ang baboy 300 pesos nman ang kilo sang baka.
Nagsugod ang saka sa presyo sang baboy sumugod sang nag supply ang probinsya sang live ukon buhi nga baboy sa Luzon.
Suno kay uberas naga pabilin nga pigaado ang baligyaanay, manubo suno sa iya ang buying power sang konsumedor.
Dugang pa niya ang ila nga benta mga singkwenta por siento ang ginnubo.
Paaathag ni Dr. Renante decena, ang provincial veterinarian, tungod sang pagtaas sang demand gikan sa Luzon, nagsaka ang liveweight sang baboy rason nga apektado man ang retail price karon.
Pero ang presyo sang baboy sa probinsya 88 sentimos ang average nga ginsaka. Ang retail price yara sa 185 tubtob 220 kada kilo.
Mas mahal ang presyo sang Bacolod bangud nga nagakuha man ini sang supply sa mga kaaiping nga banwa.
Samtang, maas nagahugot karon ang probinsya sa kampanya kontra African Swine Fever ilabi na naga nagasako na ang biyahe karon kag madamo ang nagabitbit sang pasalubong nga naga lakip sang pork meat products.
Wala labot diri ginpahanumdom man ang publiko nga maghalong sa ginabakal online. Nagasulat na ang probinsya sa mga courier nga indi magbaton sang mga pork meat products bangud padayon ini nga banned sa probinsya.
Nagapabilin nga ASF-free ang Negros Occidental.