Balita Hiligaynon

Sa video nga kuha sang isa sa mga residente sang Purok Encarnacion sa Barangay Mansilingan kaina sang aga, makita nga sa ila na mismo nga bentana naga sulod ang tubig baha.Ang mga gamit sa ila nga ground floor nag utaw utaw. Sila nga mga tagbalay nag kutaw na lang sa baha para masalbar ang ila nga mga pagkabutang.Ang ila nga mga sofa gindala nila sa mas mataas nga lugar.Suno sa kay Bernadeth Duerme, ini na ang ila sitwasyon sa kada bubu sang ulan. Basta mag lawigay na ang ulan, ginapakamaayo nila nga mag evacuate na lang bangud may kaingod balay na sila nga napatay kay natumbahan sang pader bangud sang baha.Sa Jose J. Gonzaga Elementary School sila gindala. May kaupod sila nga mga senior citizens kag kabataan.Suno sa mga residente humalin sang nagpa pader ang isa ka con...

Isabela PNP photoNa recover sang otoridad sang Lunes upod ang pamilya sang ginpatay nga si Randy Garsola ang iya sini nga bangkay nga karon tul-an na lang, nga nalubong sa Barangay Riverside sa banwa sang Isabela.Si Garsola ang gina alegar miyembro sang Central Negros 1 Front sang New People's Army kag iya man upod sa hublag nga karon nag surrender na amo ang nagtudlo kun sa diin siya ginlubong.Suno kay Police Captain Joseph Partidas, hepe sang Isabela PNP, gin sugid sang nag surrender nga anay NPA member nga si Ka Ray kun sa diin gin lubong si Garsola bangud isa man siya sadto sa nakasaksi sa pagpatay sa iya.Suno kay Ka Ray, Oktubre pa sang tuig 2018 ginpatay sang ila man mga kaupod sa hublag si Garsola bangud sa naga ayu ini nga magpuli sa iya pamilya kag wala siya gintug...

Talisay PNP photoPatay ang 57 anyos nga construction worker matapos gin tiro kahapon sa isa ka tiangge sa atubang sang resort sa siudad sang Talisay.Siya ang ginkilala nga si Julieto Rosalem Sr.Suno sa hepe sang Talisay PNP nga si Police Major Jigger Gimeno, naga inom lang si Rosalem sa tiangge sang siya ang gintiro sang isa sa duha ka suspek nga naga pungko sa tupad nga lamesa.Suno kay Gimeno, posible nasabaran ang duha ka suspek bangud sa tuman na ka hubog ang biktima gani ila ini gintiro.Gilayon nag palagyo ang mga suspek kag karon padayon ang hot pursuit operation sang PNP.

Ernie Pineda photoIsa ka pulis nagpositibo sa surveillance testing sang mga food delivery service drivers kag pulis sa Bacolod base sa inisyal pa lang nga mga resultaGinpahayag ni Ernie Pineda nga cluster head sang Bacolod Quick Response Team sang Bacolod Emergency Operations Center nga may isa ka pulis nga nagpositibo sa 274 ka mga driver sang food delivery service kag pulis nga ginpaidalum sa surveillance testing sang weekend.Suno kay Pineda, partial pa lamang ini nga result halin sa Biomolecular Laboratory sa Cebu City bangud 548 tanan ang ginpaidalum sa swab test sa amo nga surveillance testing.Ginapaabot ang dugang pa gid nga mga resulta sang swab testing sini nga hapon.

Base sa pinaka ulihi nga weather forecast sang PAGASA, makabatyag sang mabaskug nga ulan ang Southern Luzon kag Eastern Visayas bangud sang Low Pressure Area nga yara sa Northeast nga bahin sang Borongon City kag Easter Samar.Nagapabaskug pa gid sa ulan ang Tail End of the Frontal System kag Northeast Monsoon nga nagaapekto sa iban nga bahin sang Luzon, Bicol Region kag Eastern Visayas.Nagapahanumdum ang PAGASA sa publiko nga mag aligmat sa posible pagluntad sang flashfloods kag landslide tuga sang malawog nga ulan.

TF Disiplina photosMay pito ka mga persona nga gin isyuhan sang citation ticket sang Task Force Disiplina sa Bacolod City sa una nga adlaw nila nga paglibot sa pagpatuman sang ordinansa nga nagamando sa pagsuksuk sang face shield.Suno sa pamuno sang task force nga si Wilfredo Geolingo, ang pito ka mga persona ang wala sang bitbit nga face shield sa mga pampubliko nga lugar kag lunsay indi mga pumuluyo sang Bacolod.Ginpahayag man ni Geolingo nga madamo sa gihapon sang mga pumuluyo ang wala nagasuksuk sang face shield kundi ila lamang ini ginasulod sa ila nga bag, ginakapyutan ukon ginabutang sa ibabaw sang ila ulo.Gani sila ang ginpaandaman lamang sang task force nga dapat isuksuk gid ang face shield sang eksakto agud nga indi malatnan sang COVID-19.Sandig sa ordinansa, ...

May duha pa gid ka empleyado sang siudad sang Kabankalan ang nag positibo sa COVID-19.Sa 141 nga empleyado nga gin paidalom sa surveillance testing sang nagligad nga semana duha ang nagpositibo.As of December 1, suno sa bag o gin appoint nga pio nga si Jake Carlyne Tugbang, may 26 na ka mga empleyado ang nag positibo sa virus.Sa Hwebes, Disyembre 3, ipaidalom ang last batch sang mga empleyado sa surveillance testing.Suno kay tugbang padayon nga 50 por siento lang sa workforce sang siudad ang naga report sa city hall kag ang nabilin work from home.Gina paabot naman ang executive order ni Mayor Pedro Zayco subong nga adlaw. ini ang nagalakip sang pag kambyo sang curfew hours gikan las 9 sang gab i tubtob las 4 sang kaagahon padulong sa las dies sang gab i tubtob las 3 san...

BCPO photoWala pa tubtob subong sang identity ang PNP angut sa naka tiro kag nakapatay sa menor de edad nga si Bobby Delos Santos nga ginakabig notorious nga kawatan ukon akyat bahay sang PNP.Suno kay Police Lieutenant Colonel Ariel Pico, spokesperson sang BCPO, si Delos Santos ukon mas kilala bilang si alyas spider ang ginatudlo sa pila ka mga kaso sang kinawatay sa siyudad.Kalabanan sang iya target suno kay Pico amo ang mga establisyemento kag mga pamalay sa CL Montelibano kun sa diin nakuha pa sadto sa CCTV ang iya pagpangawat.Gani naga pati si Pico nga ang nag tiro sa kay alyas spider kahapon sang kaagahon samtang siya ang nagadalagan sa Purok Bayanihan sa Barangay Villamonte ang sadto man iya nabiktima.Suno kay Pico, posible nga ang mga sadto na biktima ni Delos Sa...