May duha pa gid ka empleyado sang siudad sang Kabankalan ang nag positibo sa COVID-19.
Sa 141 nga empleyado nga gin paidalom sa surveillance testing sang nagligad nga semana duha ang nagpositibo.
As of December 1, suno sa bag o gin appoint nga pio nga si Jake Carlyne Tugbang, may 26 na ka mga empleyado ang nag positibo sa virus.
Sa Hwebes, Disyembre 3, ipaidalom ang last batch sang mga empleyado sa surveillance testing.
Suno kay tugbang padayon nga 50 por siento lang sa workforce sang siudad ang naga report sa city hall kag ang nabilin work from home.
Gina paabot naman ang executive order ni Mayor Pedro Zayco subong nga adlaw. ini ang nagalakip sang pag kambyo sang curfew hours gikan las 9 sang gab i tubtob las 4 sang kaagahon padulong sa las dies sang gab i tubtob las 3 sang kaagahon.
Pagadumilian man ang social gatherings kasubong sang Christmas Party sang mga empleyado suno kag Tugbang.
As of November 30, may 5 ka bag o nga COVID-19 case ang siudad.