Magluwas nga paborito sang mga bikers nga sakaon ang Barangay Granada sa bacolod kadamo man sang mga resort nga yari diri.
Isa ini sa mga rason sa hinali nga pag usbong sang turismo sang barangay.
Ini ang nag duso sa pamilya bantug nga mag donate sang parte sang ila nga duta sa PNP para patukuran sang Police Station 5.
Suno sa kay Michael Lawrence Bantug, presidente sang Bantug Real Estate Development Corporation, sang gin ayo siya sang mga opisyal sang pnp, wala na siya nag pang duha duha pa.
500 square meters ang kalaparon sang duta nga gin donate.
Kaina ginpatigayon ang pagpirma sang deed of donation kag turn over ceremony kaupod ang director sang Bacolod City Police Office nga si Col. Manuel Placido kag katapo sang pamilya Bantug.
Suno kay Placido ini ang pinaka una nga police station sa Bacolod nga igatukod mismo sa duta nga naka pangalan sa pnp gani ang PNP man ang maga gasto sa pagpatukod sang building.
Dugang pa ni Placido, strategic ang location sang gin donate nga duta nga yara lang sa higad sang highway. Ang daan nga police station nahatamang sa barangay proper sang Granada kag naga tindog sa duta sang barangay.
Sa programa kaina sang aga ginpasidunggan man sang Zonta Club of Bacolod ang mga police woman sang Bacolod City Police Office sa ila nga pag serbisyo sa komunidad ilabi na sa tiun sang pandemic.