Shadow

Bag-o nga strain sang Covid-19 kabangdanan sang roll back sa presyo sang produkto petrolyo

Liwat naman nga nag patigayon sang rollback sa presyo sang gasolina kag krudo ang mga oil companies sa ika apat na nga sunod sunod nga semana.

1.10 ang gin barato sa kada litro sang gasolina samtang sisenta sentimos naman ang gin nubo sa kada litro sang diesel.

3.55 na tanan ang gin nubo sa kada litro sang gasolina sa sulod sang halos isa ka bulan, samtang 2.40 ang sa kada litro sang krudo.

Suno sa mga eksperto, ang padayon nga pag nubo sang presyo sang gatong ang tuga sang bag-o naman nga strain sang Coronavirus nga Omicron.

Gina tan-aw nga magapadayon pa ang pag panaog sang bili sang produkto petrolyo bangud sang mga restrictions sa mga pungsod dala sang bag-o nga Covid variant.

Secured By miniOrangeSecured By miniOrange