P40 tutob P45 nga saka sa daily wage ang gin-aprobahan sa Negros Occidental.
Mga labor groups ang wala nalipay sa wage increase nga gin-aprobahan sang Regional Tripartite Wages and Productivity Board para sa mga private sector workers.
Suno sa ila indi man gani ini makasarang sa nagataas nga living costs. Pero mga employers ang naga paandam naman ang nag gilayon nga saka ang labing maka apekto sa mga negosyo nga amat-amat pa lang naga recover kag sarang ini nga maka tuga sang local inflation.
Sa Wage Order No 30, sakop ang mga trabahante sa Western Visayas, Negros Occidental kag Bacolod City.
Ang order ang pending pa – nagahulat sang final approval sang Secretary of Labor suno kay RTWPB 6 – Chairman Sixto Rodriguez, Jr sa interview sa iya sang Digicast Negros sang Sabado.
Ginsiling ni Juliana Carbon, presidente sang Metro Bacolod Chamber of Commerce and Industry nga may yara sang kabalaka kag pagpamatuk gikan sa mga local businesses bangud ang amo nga kadako nga saka ang may yara sang indi maayo nga mga trade-offs sa local economy.
Dugang ni Carbon may yara ini sang domino effect. Ang mga tag-iya ang ma pwersa magpasaka sang presyo sang produkto sang serbisyo kay magasaka man ang overhead cost nga sa uilhi nga apekto sang purchasing power sang mga trabahante nga kuntani amo ang tuyo mabuligan sang wage order.
Ginsiling naman ni Noly Rosales sang Kilusang Mayo Uno Negros Occidental nga ang gin aprobahan tuman ka nubo sang sa ila P250 daily wage increase nga petition.
Para naman sa mga lideres sang sugar sector indi maayo ang timing sa amo nga wage hike.
Mangin P565 na ang daily sang Agricultural Workers. Ang non Agricultural naman nga may masobra sa napulo ka empleyado P590 kag non Agricultural nga may napulo ukon panubo P565.
Ang kasambahay naman mangin P7,000 ang bulanan.
“We just emphasize this is subject to the approval of the Secretary”, suno kay Rodriguez.
[sibwp_form id=1]