Romeo Subaldo

https://www.youtube.com/watch?v=6keTfuPPHvEGrupo sang traditional jeepney drivers nagpaandam nga balabagan ang opisina sang LTO kun may dakpon nga miyembro nila. Isa naman ka driver sang depasahe nga salakyan nga nakapa consolidate na ang nagreklamo nga ginlampusan ang iya side mirror sang naga protesta nga drivers.

Base sa announcement sang Centra Negros Electric Cooperative, may P3.20 nga saka per kilowatt hour sa bili sang kuryente sa mga nasakpan sini nga mga lugar.Halin sa P11. 95 nga bili sang kuryente subong mangin, P15.16 na ini.Paathag sang Ceneco, ang saka sa bili sang kuryente ang tuga sang pagsaka man sa generation charges nga nagdangat sa 31.96% gani nagsaka man ang Wholesale Electricity Spot Market ukon WESM nga halin sa masobra sa P8.00 nangin P12.67 na.Ang Ceneco amo ang naga supply sang kuryent sa mga siudad sang Bacolod, Talisay, Silay kag Bago kag mga banwa sang Murcia kag Don Salvador Benedicto.Ang Negros Occidental Electric Cooperative naman ukon NOCECO ang nag anunsyo man sang sini nga semana sang P3.33 nga saka man sa bili sang kuryente sini nga bulan sang Mayo...

Ang iya mismo nga utod ang nagkikala sa bangkay sang lalaki nga ginsulod sa sako nga nakita sa higad sang dalan sa Sitio Kabakahan, Brgy. Cabatangan siudad sang Talisay sang Miyerkules sang hapon.Ang biktima ginkilala sa kay Jumon Espartero, 36 anyos kag residente sang GK Hope Village Brgy. Cabatangan sa Talisay.Suno sa kay Police Major Wilfredo Benoman Jr., ang Deputy Chief of Police sang Talisay City PNP, nakilal-an ang biktima sang iya nga utod pinaagi sa iya nga bayo kag tattoo.Dugang pa ni Benoman, wala man sang mga police records si Espartero apang ini ang na missing humalin pa sadtong Mayo 12.Sa karon nagapadayon ang imbestigasyon sang kapulisan para makilala ang suspek sa pagpatay sa biktima kag kun ano ang motibo sa pagpatay sa iya.

Ala una sang hapon sang may nasapwan nga sako sa higad lang sang dalan ang mga residente sang Sitio Kabakahan, Brgy. Cabatangan sa Talisay CitySang gin usisa nila ang unod sang sako nakibot sila sang madiskubrehan nga bangkay sang isa ka wala pa makilala nga lalaki nasapwan sa sulod sini.Naga padayon pa sa karon ang imbestigasyon sang Talisay PNP para makilala ang amo nga persona kag kun sin-o ang nagpatay sa iya. Gina padalman man kun ginwigit lang ang sako sa amo nga lugar.

Naga bangka sa peryahan si Allan Tamparong sang Brgy. Payao sa Binalbagan, sang gintiro ini kaina sang kaagahon, sa Brgy. Guimbala-on, sa siudad sang Silay.Sa report sang Silay City Police Station, ang suspek ginkilala kay Pedrito Penafiel.Sa inisyal nga imbestigasyon sang Silay PNP, ang biktima ang hinali na lang nga gintiro sang suspek nga ginhalinan sang iya kamatayon.Sa karon, padayon pa ang imbestigasyon sang mga kapulisan kag pursuit operation agud madakop ang suspetsado.

Wala makaluwas ang isa ka senior citizen matapos nga makuryente.Nasapwan nga patay si Hernan Guanzon, 62-anyos sa isa ka punong sa Sitio Bita, Brgy. Su-ay, Himamaylan City kahapon sang aga.Suno kay Police Lt. Colonel Anthony Grande, hepe sang Himamaylan City Police Station, halin sa ilimnan ang biktima kag posible nga nagtalang kag nakalab-ot sa punong nga may live wire kag didto nakuryente.Suno kay Grande, ang tag-iya sang punong nga si Resureccion Buoy ang nag-ako nga ginbutangan niya sang live wire ang kilid sang iya punong bangud nga nangin madata ang kinawatay sang iya isda.Suno sa pulis may salabton ang tag-iya sang punong bangud indi dapat basta-basta ang pagbutang sang live wire kag dapat nakahibalo ang mga pumuluyo sa palibot.

Gin arubahan sang senado ang House Bill No. 9805 nga naga hatag sang prangkisa sa Negros Electric and Power Corporation ukon NEPC sa second reading sang kahapon.Ang prangkisa ang maga hatag sa NEPC sang joint venture agreement sa tunga sang Primelectric kag Central Negros Electric Cooperative nga magtake over sa distribution services sang CENECO sa mga siudad sang Bacolod, Silay, Talisay kag Bago kag mga banwa sang Murcia kag Don Salvador Benedicto.Si Senator Grace Poe nga pamuno sang Senate Committee on Public Services ang nagduso para sa passage sang bill sa second reading sa senado.

Patay ang tatlo ka mga kalalakin-an nga naga-angkasanay sa motorsiklo matapos mabunggo sila sa salakyan sang DRRMO sang Barangay Camingawan sang Kabankalan Lunes sang hapon sa Aquiles-Zayco Avenue, Barangay 1 Kabankalan City.Suno kay Kabankalan City Deputy Chief Police Captain Joelan Vinson, ang nagkalamatay ginkilala nga sanday Glen Ramirez, Joeven Pineda kag Brix Rallos.Dugang pa niya, ang Barangay Camingawan DRRMO vehicle ang may karga nga pasyente nga dal-on sa Kabankalan District Hospital sang mabunggo ini sa motorsiklo nga gina sakyan sang mga biktima.  Wala matalupangdan sang naga dala sang motorsiklo nga nagapadulong ang salakyan sang Camingawan DRRMO bangud nag kumpyansa siya kay nago GO ang traffic lights.Gin detain ang driver sang Barangay Camingawan DRRMO nga s...

Salakyan sang DRRMO sang Cauayan LGU kag motor nag bungguanay, 2 patay.Patay sanday Reymark Cagas nga naga dala sang motor kag ang aider sang rescue vehicle nga si John Philip Atillaga matapos magbungguanay ang rescue vehicle sang banwa sang Cauayan kag motorsiklo sa Brgy.Talubangi siudad sang Kabankalan kaina sang kaagahon.Suno kay Kabankalan City Deputy Chief Police Captain Joelan Vinson, padulong sa ospital ang rescue vehicle nga may karga nga pasyente, apang hinali lamang nga nag-agaw sang iya nga lane ang naga sugata nga motorsiklo nga ginamaneho ni Cagas gani nagbungguanay sila.Pilason naman ang backrider sang motor kag wala naman nasamaran ang driver sang rescue vehicle nga si Michael Dela Cruz.Sa karon, yara na sa kustodiya sang Kabankalan City Police Station ang dr...

Na-rescue sang Philippine Coast Guard ang anum tanan ka mga mangingisda matapos naglugdang ang ila bangka Domingo sang aga mga 4 nautical miles ang kalayuon gikan sa Bredco Port.Suno kay Coast Guard Station Northern Negros Occidental Commander Paterno Belarmino, sakay sa bangka sanday Liberato Sevilla, Joan Infante, Elmer Tiongzon, Jondle Sevilla, Ricky Sevilla kag Arnel Sevilla, tanan residente sang Barangay Catabla, siudad sang Talisay.Las 4 sang aga nagpalawod ang mga mangingisda apang tungod sa mabaskog nga balod, nabali ang katig sang sakayan kag naglugdang.Mga las 9 sang aga, nalabayan sila sang tanker ship kag na rescue sang grupo ni Auxiliary Commander Ricky Malayo. Wala sang nasamaran sa mga mangingisda kag nakapauli na sa ila nga lugar.