Romeo Subaldo

Ginlamon sang kalayo ang walo tanan ka mga stalls sa merkado sa Barangay Don Jorge Araneta sa siudad sang Bago, Biyernes sang gab-i.Sa inisyal nga impormasyon, nag-spark nga kuryente sa stall no. 4 nga ginapanag-iyahan ni Larry Palloran nga gintunaan sang kalayo.Sa karon nagapadayon pa ang imbestigasyon sang Bureau of Fire Protection sa siudad sang Bago.Pila sa mga nasunog nga stalls naga baligya sang tsinelas kag ukay-ukay.Isa ka barangay tanod ang gin-report nga napilasan.

Sa pinaka una nga tion may Pickleball Tournament nga ginpatigayon sa Bacolod City.Suno sa kay Tingting Uy, ang organizer sang event, ang Pickleball ang makabig sa karon nga fastest growing sports sa kalibutan.Combination ini sang lawn tennis, badminton kag table tennis.May national team na ang Pilipinas para sa pickleball nga naga compete sa iban nga mga pungsod.Sang Sabado, sa pag bukas sang kompetisyon may mga teams gikan sa Metro Manila, Visayas kag Mindanao nga nakigbahin sa  duha ka adlaw ang competition.Bacolod ang nag host sang event kay isa man ini ka growing sports mismo sa siudad kun sa diin madamo ang nagaka engganyo.

Sabado sang gab-i tubtob Domingo sang kaagahon sunod-sunod ang mga insidente sang pagkabunggo kag pagka hulog sang mga motorsiklo sa ginbungkal nga dalan sa may Hacienda Guanzon, Barangay Mansilingan sa Bacolod City.Sa record sang Police Station 7 pito ka mga insidente sang pagka hulog kag pagkatumba sa gina kaayo nga dalan ang natao sa sulod sang pito ka oras. Isa ang napatay kag tatlo ang nasamaran sa separado nga mga insidente. Ang napatay ginkilala kay Mark Anthony Arnaiz. Suno sa PNP sang natabo ang insidente bangud madulom ang dalan kag wala pa sang early warning device.Pero matapos ang sunod-sunod nga mga insidente, nagbutang na sang blinker ang contractor sa gina kaayo nga dalan.Ipatawag sang DPWH ang contractor para mausisa ang alegasyon nga wala sila sang...

Patay ang pahenante samtang tatlo ang pilason matapos matumba ang isa ka truck sa Purok Cherry Blossom, Brgy. Calumangan sa Bago City Huwebes sang kaagahon.Ang napatay ginkilala kay Richienold Palmares samtang pilason ang tatlo niya ka mga kaupdanan.Ang driver sang truck ginkilala kay Rejem Sampani.Suno sa kay Police Staff Sergeant Ronald Javier ang traffic investigator sang Bago City PNP, gikan sa probinsya sang Negros Oriental kag magapadulong sa Bacolod ang truck, paglab-ot nila sa lugar sang insidente naglupok ang pangulihi nga goma sang truck.Dugang pa ni Javier, nadulaan sang balanse ang truck kag ini ang natumba kabangdanan nga naipit si Palmares nga nagresulta sa iya nga kamatayon.

Padayon nga ma eksperyensya ang mainit kag mapaang nga panahon sa Visayas bangud sang easterlies ukon ang hangin gikan sa Pacific Ocean.Mangin magal-umon ang kalangitan nga may upod nga lapta-lapta nga pag ulan kag pag panaguob dala sang easterlies kag localized thunderstorm. Padayon nga gina monitor sang PAGASA ang naga tipon-tipon nga panganod sa gwa sang Philippine Area of Responsibility nga nangin Intertropical Convergence Zone. Gina lantaw nga ini ang posible mangin isa ka Low Pressure Area sini nga weekend kag posible nga mag sulod sa PAR sa masunod nga semana.  Sa subong wala pa ini sang direkta nga epekto sa lakat sang panahon sa Pilipinas.

Anay Presidente Rodrigo Duterte gin paandaman si Presidente Ferdinand Bongbong Marcos nga indi pagligwaton ang konstitusyon para makapadalagan liwat. Ini sa ginpatigayon nga prayer rally sa Dumaguete City sang kagab-i.Makapila ka beses nagpabutyag sang langot sang buot ang anay presidente bangud ginbawi ang permit nga gin hatag sa ila sang lokal nga panguluhan sang Dumaguete City. Paathag sang LGU, lain nga tawo ang una nga nag process sang permit kag sang ulihi indi na siya kabahin sang grupo nga naga organize sang rally. Lain na naman nga mga tawo ang nag lisensya kag sang Sabado lang gani subol na sa oras kag kulang ang pwersa sang PNP para magbantay sa anay presidente. Sa pihak sini nadayon sa gihapon ang pag tipon-tipon. Sa kilid sang dalan nag press conference si Duterte kag sa m...

Nasapwan nga naga utaw-utaw ang bangkay ni Bernie “Bad Boy” Magbanua Moises sa daan nga Maricalum mining   sa Barangay San Jose siudad sang Sipalay Domingo sang aga. Gin kuha ini sang katapo sang rescue group sang Sipalay City.Suno kay Police Lieutenant Colonel Fernando Somblingo, Acting Chief of Police sang Sipalay PNP una na nga nareport si Moises nga missing sang Sabado  kag ulihi niya nakaupod ang iya abyan nga nag-inum inum kag wala na siya makita pa. Ginapatihan nga naligo ang biktima sa linaw sa daan nga minahan nga gina tawag nga covidlandia apang bangud nga naka inum, nalumos ang biktima.Nagapati ang pamilya wala sang foul play sa natabo sa ila himata.

Gindala sa ospital si Rodel Cabanhaw, matapos mabungguan sang naglapaw nga container van sa highway sang Barangay Taloc, Bago City samtang nagakatulog sa sulod sang vulcanizing shop.Ang 14-wheeler container van nga may karga 20 ka tonelada nga kalamay ang ginadala ni Vicente Maano ang halin sa Kabankalan City kag padulong sa BREDCO Port.Sa inisyal nga impormasyon gikan sa PNP, hinali na lang napatay angh makina sang truck gani ginhinagaw sang driver nga ipahigad ini.  May isa ka salakyan nga naga agaw sang iya nga lane amo kun ngaa na alang alang ang driver kag nagrekta ang truck sa vulcanizing shop.Gin detain sa Bago PNP ang driver.

Sa tunga-tunga sang bulan sang Mayo, gina paabot ang pag sugod tupa sang ulan sa pila ka bahin sang pungsod kag ang pag transition naman sa tig-ululan.Ini suno kay Irene Bel Plotena ang pamuno sang Provincial Disaster Management Program Division base man sa advisory sang PAGASA.Naga kasayuran nga sa amo nga tion maga bulubugnaw naman  ang temperatura kun ipaanggid sa sitwasyon karon.Sa nagligad nga duha ka adlaw suno sa PDMPD may pag tupa sang ulan sa pila ka mga lugar sa northern kag southern Negros.Sa sur nga amo ang natam-an sang igo sang El Nino may pag-ulan sa Himamaylan, Sipalay, Hinobaan, Candoni kag Kabankalan.Subong pa lang naga abiso na ang PDRRMO sa pag panghanda sa La Nina nga suno sa PAGASA may 60 percent nga possibility sa bulan sang June, July ka...

Tubtob sa Biyernes ginapaabot nga padayon nga maka eksperyensya sang mainit nga panahon sa bug-os nga pungsod.Ang easterlies ukon ang hangin gikan sa Pacific Ocean ang padayon nga naga apekto sa Pilipinas.Mangin magal-umon ang kalangitan nga may dala nga lapta- lapta nga pag ulan kag pag panaguob kun hapon ukon kun gab-i. Apang suno sa PAGASA, sa weekend may gina paabot nga weather disturbance nga maga sulod sa Philippine Area of Responsibility pero padayon pa ini nga gina monitor sang weather bureau. Sa masunod nga inadlaw maga hatag sila sang update parte diri.