Patay ang naga tabok sa dalan nga 17 anyos kag pilason duha ka iban pa nga naga bakal sa tiangge matapos nga mabungguan sang isa ka atwo sa Purok Starapple, Barangay Caridad, siudad sang Bago, Sabado sang gab-i. Ang mga nasamaran isa ka 17 kag ang 20 anyos nga si si Laurence Maquiling.
Ginkilala naman kay Rodolfo Medel Jr., 39-anyos, ang naga dala sang awto.
Suno kay Police Staff Sergeant Ronald Javier, traffic investigator sang Bago City PNP, gikan ang awto sa Brgy. Maao kag pakadto kun tani sa Bago City proper.
Una niya nga nabungguan ang ang naga-park nga Rusi nga motorsiklo kag madason ang isa ka Honda XRM nga natumba sa 17-anyos nga babaye kag kay Maquiling nga nagabakal lang sa tiangge.
Isa pa gid ka Yamaha Mio ang iya nabungguan kag masunod amo na ang dalagita nga napatay.
Matapos ang insidente, nagpalagyo si Medel pero nakuhaan sang video ang awto sa pagpalagyo sini.
Natukiban sang PNP nga gin rentahan lang ang awto kag sa ila pag-follow up ila nga nakilala ang naga dala sini.
Domingo sang aga boluntaryo nga nagsungka si Medel sa Bago City Police Station, kag posible nga magapangatubang sa kaso nga Reckless Imprudence Resulting in Homicide, muliple injury, kag multiple damage to property.