Gina agda sang Negros Association of Chief Executives ang mga alkalde sang Negros Oriental kag Siquijor nga mag upod upod sa grupo.
Isa ka resolution ang gin pasar sang Negros ACE nga naga imbitar sa mga alkalde sang Siquijor kag Negros Oriental nga mag upod sa grupo kag mag buylog sa vision para sa Negros Island Region.
Ginsiling ni Mayor Javi Benitez ang presidente sang Negros ACE nga siya ang maga padulong sa Dumaguete sa weekend kag mahimo nga kaupod niya man si Manapla Mayor Manolet Escalante.
Tuyo niya nga mag sapol sa mga opisyales didto kag para man maka sugilanon angut sa amo nga pag pang agda.
Samtang, isa pa gid ka resolution ang gin pasar sang Negros ACE nga naga hinyo sa Department of Environment and Natural Resources nga ipa bilin sa status quo ang contemporary map sang Negros sa pagpatuman sang Negros Island Act nga naga tuga sang Negros Island Region.
Suno kay Benitez isa sa gina lantaw nila amo nga ang pagpatuman sang NIR mahimo mag apekto sa isla bahin sang altered boundaries sa mga siudad kag banwa sakop sini.