Wala anay may matabo nga dakpanay sang e-bike kag e-trike sa masunod nga 30 ka adlaw.
Ini matapos nga gin-aprubahan ni Mayor Albee Benitez ang dugang nga 30 ka adlaw nga moratorium sa dakpanay sa mga wala marehistro nga electric vehicles sa siudad sang Bacolod.
Sa Memorandum No. 110 series of 2024 nga ginpirmahan sang alkalde kag naka address kay Bacolod Traffic Authority Office (BTAO) Officer-in-charge (OIC) Patrick Lacson, nasaad diri nga ginpalawig ang moratorium agud hatagan sang dugang nga ti-on ang pagplastar sang komprehensibo nga pag-regulate kag pag-amyenda sa mga ordinansa sang siudad may kaangtanan sa regulasyon sa electric bicycle (e-bike) kag tricycles (e-trike) operations.
Halos tanan nga mga barangay ang naka pasa na sang listahan sang mga naga biyahe ang e-bike kag e-trike sa siudad.
Damlag pa ginsiling ni Benitez nga magahimo ang siudad sang mga polisa nga ilakip sa paga-aprubahan nga ordinansa sa proper regulation sang e-bike, e-trike, pedicabs, kag trisikol.