Romeo Subaldo

Patay ang security guard nga si Benjie Fajardo matapos nga gintiro sa Locsin street, sa downtown area sang siudad sang Bacolod Sabado sang gab-i.Suno kay Major Elmer Bonilla, hepe sang Police Station 1, gina-alegar nga sakay ang suspek sa motorsiklo kag ginausisa pa kon may upod ini.May pila ka igo sang bala sa lawas ang biktima pati na sa ulo.Ginhingagaw pa siya dala sa ospital apang gindeklarar nga dead on arrival.Dugang pa ni Bonilla, sa pagpangusisa, may yara na nga daa sang pamahog sa kabuhi nga nabaton ang biktima. Wala anay gin detalye sang pnp ang ini nga impormasyon samtang naga padayon pa ang ila nga imbestigasyon.Na-recover sa crime scene ang pila ka empty shells kag deformed slug sang 9mm psitol.Ginpang isa-isa na sang Police Station 1 ang mga CCTV ca...

2021 pa wala na may naga puyo sa sini nga balay sa may Carmen Avenue sa Barangay 40 sa Bacolod.  Wala naman sang supply sang kuryente nga naga sulod diri. Pero mga las kwatro y medya kaina sang kaagahon hinali na lang nga nag ibwal ang kalayo sa sulod sang balay.Suspetso sang mga residente sa palibot, ang mga pangayaw nga naga sulod sa amo nga balay ang posible nga rason sa sunog.Gin trangkahan ang amo nga balay sang tag-iya nga si Atty. Clodualdo Subaldo, Jr., ugaling ginpangitaan sang paagi nga makaigo ang tawo sa tunga sang mga salsalon nga grills kag dira naga agi sa pag sulod sa balay.Sa inisyal nga imbestigasyon sang BFP, posible nga may nabilin ang mga naga sulod diri nga upos sang sigarilyo ukon iban nga bagay nga naga baga nga amo naman ang gin halinan sang pagdak...

Isa ang patay kag duha ang pilason sa natabo nga sunog sa Purok 4, Barangay Magatas, Sibulan, Negros Oriental Miyerkules sang aga.Suno kay FO2 Emmanuel Cuartel, imbestigador sang Sibulan Fire Station, ginkilala ang napatay nga si Lord Gablinez, nakita ang iya nga bangkay sa sulod sang kwarto.Pilason naman ang tag iya sang balay nga sanday Jane kag Alberto Gablinez. Si Jane naka angkon sang first degree burns samtang si Alberto nakaangkon sang minor burns.Dugang pa sang BFP, ang kalayo nagsugod sa dapog sa likod sang balay. Gina bulubanta yara sa  masobra sa P420,000.00 ang halit sang sunog.

Suno sa Department of Justice, naka lusot na sa Ministry of Justice sang Timor Leste ang extradition request sang  gobyerno sang Pilipinas para kay anay Negros Oriental Representative Arnolfo “Arnie” Teves.Ginsiling ni DOJ spokeperson, ASec Mico Clavano nga indi pa mapat-od kun san-o ibalik sa pungsod si Teves, nga nagapangatubang sang mga kaso may angut sa pagpatay kay Negros Oriental Governor Roel Degamo sadtong Marso 4, 2023.Ginahulat pa sang DOJ ang mangin desisyon sang Court of Appeals sang Timor Leste sa extradition request.

May bagyo nga gina monitor ang PAGASA sa gwa sang Philippine Area of Responsibility. Isa ini ka tropical depression. Mga 955 km ang kalayuon sini sa western portion sang northern Luzon.  Yara sa 55 km/h ang kabaskugon sang bagyo. Naga giho ini pasaka pakadto sa China.Ang habagat naman ang naga palayo sa Pilipinas kay gina suyop sang bagyo. Wala pa sang direkta nga epekto ang bagyo sa Pilipinas sa karon. Mangin magal-umon ang kalangitan nga may upod nga lapta lapta nga pag ulan kag pagpanaguob dala sang localized thunderstorm.

Gina usisa sa karon sang Police Station 8 sa Bacolod ang kaso sang budol-budol sa Barangay Singcang-Airport kun sa diin isa ka 77 anyos nga lola ang nabiktima sang budol-budol.  May nakig-sugilanon sa iya nga persona sa downtown sang Bacolod nga naga pakilala nga abyan sang iya anak sa abroad.Wala na siya maka marasmas nga napa withdraw siya sang apat tanan ka mga persona sang kwarta sa iya ATM nga naga balor sang P10,000 kag nag-upod pa sa iya nga balay nag nakuha ang mga alahas nga naga balor sang may kapin sa P2.5M.Masunod na nga adlaw naka marasmas ang 77 anyos kag naka panugid ang biktima sa iya anak sa natabo. Gina kilala pa sang PNP sa subong nga sanday sino ang nagbiktima sa senior citizen.

Nagakadunot na sang nasapwan ang bangkay sang isa ka lalaki sa sulod sang iya payag sa Sitio Aguntilang, Brgy. Riverside sa banwa sang Isabela Miyerkules sang aga.Ginkilala ang biktima kay Ronald Fundador, 40 anyos. Suno kay Police Staff Sergeant Joel Alvarez sang Isabela Municipal Police Station, wala sila sang may nakita nga foul play sa natabo bangud nga wala man sang pilas nga nakita sa iya lawas sa ginpatigayon nga post mortem examination.Gina lantaw nga cardiac arrest ang ginkamatay sang biktima.

Gindeklarar na sang PAGASA nga opisyal na nga nagsugod ang tig-ululan sa Pilipinas.Ini kasunod sang pag bubo sang ulan, pagsulod sang bagyo kag hangin habagat.Suno pa sa PAGASA nagsugod naman ang pag-inulan sa Western Luzon kag Visayas.Naga paandam naman ang PAGASA sa publiko batuk sa pagsulod sang La Nina sini nga Hulyo, Agosto kag Setyembre kag posible nga maga lawig tubtob katapuson sang tuig.Gina paandaman man ang publiko batuk sa pagluntad sang baha kag landslide.

https://youtu.be/u6uQrQGEzNQBili sang kuryente posible nga magpanaog sa bulan sang Hunyo. May posibilidad pa gid nga mapanubuan ang bili sang kuryente kun aprubahan sang ERC ang paghkuha sang CENECO sang mas barato nga power supply sa EDC. May report si Romeo Subaldo

Nagapanimaho na ang bangkay sang isa ka 60 anyos nga American National sang masapwan sa iya gina rentahan nga apartment sini lang nga hapon sa Alvisa Homes, Purok Makiangayon,Barangay Talay Dumaguete City, Negros Oriental.Suno sa Dumaguete City PNP, nakabaton sila sang tawag nga may bangkay nga nasapwan.Ang nagapuyo malapit sa apartment sang biktima ang naka mutik sang baho sa unit sang Amercian National.Ginpahibalo niya ang landlord kag sang ginbuksan ang unit, nakita ang bangkay sang biktima nga naga hamyang sa salog.Nagapadayon pa ang imbestigasyon sang PNP sa kaso agud mahibaluan kun ano ang iya nga ginkamatay.