Romeo Subaldo

Patay ang backrider matapos nga mahulog gikan sa ginasakyan nga tricycle nga naga pang deliver sang LPG.Suno kay Police Major Rhea Villanueva Deputy Chief of Police sang Silay PNP, gikan ang tricycle sa sales center sa Brgy. 5 kag pakadto sa Yolanda Housing sa Brgy. E Lopez sang Huwebes sang aga sang mahulog ang biktima nga si Niño Golez.Ang driver sang tricycle amo si Ronnie Clarion.Dugang pa ni Villanueva mahimo nalampos ang ulo ni Golez sa gutter. Gindala pa siya sa ospital pero gin deklarar nga dead on arrival.

Arestado ang duha ka lalaki sa operation sang PNP sa Purok Gabi, Brgy Bong-ao, Valencia, Negros Oriental sang Huwebes sang gab-i.Ang mga High-Value Individual nga suspek mga taga Dumaguete City kag Valencia.Ang buy-bust operation ang ginpatigayon sang Valencia Police Station, PNP DEG, SOU 7 kag PDEA Negros Oriental.Nakuha sa duha ang 500 grams sang suspected shabu nga naga balor sang P3.4M.Pasakaan sila sang kaso nga paghupot kag pagbaligya sang iligal nga droga.

May pagbuga sang abo nga na-record ang Philippine Institute of Volcanology and Seismology ukon PHILVOCS gikan sa bulkan Kanlaon nga naglawig sang 5 ka minutos kahapon, Hwebes.Base sa monitoring sang PHIVOLCS, ang Bulkan Kanlaon ang nagbuga sang 8,040 ka tonelada sang sulfur dioxide nga naglab-ot sa 300 metro ang kataason kag 12 naman ka volcanic earthquakes ang na record.Padayon naman ang paghubag sa sulod sang bulkan kag nagapabilin ini sa Alert Level 2.Ginadumili-an sa gihapon ang pagsulod sa 4-kilometer permanent danger zone.

May pagsaka na naman sa kadamuon bahin sa parameters nga gina monitor sang PHIVOLCS sa Bulkan Kanlaon. May 16 tanan ka mga volcanic earthquakes ang na-record sang PHIVOLCS sa bulkan sa nagligad nga 24 oras.Nagbuga man ang bulkan sang 7,565 ka tonelada sang sulfur dioxide sa sulod sang 24 oras.Nagapadayon naman ang 'swelling' ukon ang paghabok sa sulod nga parte sang bulkan.Wala naman sang may na record nga pagbuga sang abo sang kahapon.Nagapabilin sa gihapon sa Alert Level 2 ang Bulkan Kanlaon.Ginadumilian ang pagsulod sa 4-kilometer permanent danger zone.

May pagsaka sang 94 sentimos ukon mangin P12.01 kada kilowatt hour ang balayran sa kuryente sang residential consumers sini nga bulan sang Nobyembre.Suno sa Negros Power ini bangud nga nagsaka man ang generation charges sang mga supplier sang kuryente sa Wholesale Electricity Spot Market.Buot silingon nga kun ang isa ka balay nga may average consumption nga 200 kw/h kada bulan ang magadugang sang 188 pesos sa iya balayran sa kuryente.Wala naman sang pagsaka kag nagapabilin sa gihapon nga P1.18/kwh ang Distribution Charge nga amo lang ang nagakadto sa CENECO/Negros Power bilang distribution utility.Sang nagligad nga semana nag anunsyo man ang Negros Occidental Electric Cooperative ukon NOCECO nga nay masobra sa duha ka pesos per kw/h ang saka sa bili sang kuryente.A...

Patay ang 57-anyos nga iloy nga naga serbe man nga ka caretaker sang simbahan matapos mabungguan sang isa ka pribado nga salakyan sa atubang lang sang Lorenzo Zayco District Hospital sa Brgy. Binicuil sa Kabankalan City kaina pasado las singko sang kaagahon.Suno kay Police Captain Sammy Gasataya, Deputy Chief sang Kabankalan City PNP, nagtabok si Nenita Valdez kay may baklon samtang na admit sa ospital ang iya nga mister.Pabalik na iya sang mabungguan sang crosswind. Ang driver ginkilala kay Sandly Castillo.Suno sa PNP na alang-alang pa una sa pagtabok ang biktima gani nag rekta ang salakyan pero nakatabok ang iloy gani nalab-ot sang salakyan.Ginhingagaw dala sa ospital si Valdez apang gindeklarar nga dead on arrival. Temporaryo nga gin detain ang driver sang salakyan.

https://youtu.be/ki9p0MNiLBE?si=OLZlh2XWG54DBuNlPilason ang pito ka mga elementary students sang Sum-ag Elementary School kag duha ka mga iloy matapos nga mabungguan sang tricycle sa National Road sakop sang Barangay Sum-ag sa Bacolod mga las kwatro sang hapon sang Martes.Ang isa ka iloy nagsang-at pa sa atubang sang tricycle.Suno kay Bacolod City Police Office Traffic Management Unit Chief, Police Major Ramel Sarona, nagatabok sa pedestrian lane gikan sa eskwelahan padulong simbahan ang mga biktina sang nabungguan sila sang tricycle nga gina dala ni Nelson Jalandoni, 76-anyos.Gilayon naman nga gindala sa ospital ang mga biktima pati na ang tricycle driver.

Halit sa agrikultura sa banwa sang La Castellana bangud sang pagbuga sang bulkan Kanlaon ang nagdangat na sa 194 million pesos.Humalin sa paglupok sang bulkan Kanlaon sadtong Hunyo 3, nagdangat na sa ₱194 milyones pesos ang kahalitan sa agrikultura nga natuga sang bulkan sa banwa sang La Castellana.Ini ang suno kay La Castellana Mayor Rhummyla Nicor-Mangilimutan. Dugang pa niya linibo na ka mga mangunguma ang apektado sa amo nga kahalitan.Isa na diri ang coffee farmers. Ang La Castellana ang top producer sang kape sa Negros Occidental.Suno pa sa alkalde, posible mas dako pa ang kahalitan sang pag alburuto sang Bulkan Kanlaon bangud may mga mangunguma pa sila nga wala nalab-ot ilabi na ang yara sa nabukid na nga bahin sang banwa.Ang mga barangay nga apektado amo ang...

Patay ang 24 anyos nga lalaki kag residente sang Brgy. Kumaliskis, Don Salvador Benedicto kag apat naman ang pilason sang nagluntad ang karambola sang tatlo ka mga motorsiklo sa Brgy. Caliban, banwa Murcia, Martes sang aga.Sa inisyal nga imbestigasyon sang Murcia PNP, gin-alegar nga nag-overtake si Joemer Bardoquillo sa isa ka truck kag nadulaan sang kontrol sa ginadala nga motorsiklo.Nahulog siya sa iya motor sa pihak nga lane. May isa pa gid ka motor nga may duha ka mga sakay ang natabuan nga nakalabay kag nabungguan ang motor ni Bardoquillo.May isa pa gid ka motor nga sakay ang mag-asawa nga naulamid man sa sunod-sunod nga pagbungguanay sang motor.Bangud sang mga samad sa lawas, gindala sa Murcia Health Unit ang mg...

May anum na ka mga pamilya ang nagpadulong sa Police Station 2 para kilalahon ang bangkay na nasapwan sa Bredco port damlag pa.Pero, suno kay Police Major Eugene Tolentino Station Commander sang Police Station 2, wala sa gihapon nakilal-an ang bangkay.Natalana nga mag-request ang kapulisan sang autopsy bisan wala pa ini nakilala samtang ang bangkay ang yara nagapabilin sa punerarya.Kun wala pa sa gihapon may mag claim nga pamilya sa bangkay, maga-coordinate ang kapulisan sa Bacolod LGU para ipalubong na lang ang biktima.Nasapwan ang biktima nga nakagapos sang kalat ang tiil kag nakagapos naman ang iya mga kamot sang iya bayo kag gina alegar may pilas sang bala sa likod ang biktima sang masapwan.Wala na ang duha ka dalunggan sang biktima.Wal...