Romeo Subaldo

80 anyos nga lola nalapakan sang pick up, patay.Patay si Angelita Casquite, sang St. Francis Village sa Barangay Taculing sa Bacolod matapos malapakan sang pick up Hwebes sang aga.Suno kay Traffic Management Unit Head Police Maj. Ramel Sarona, nagalakat ang biktima sa gutter sang hinali na lang ini nakadanlog kag ang iya ulo nagtupa sa dalan kag natabuan man nga may naglabay nga pick up nga ginamaneho sang isa ka 56 anyos nga lalaki.Dugang pa ni Sarona, natapakan sang pick up ang ulo sang biktima nga gintunaan sang iya kamatayon.Suno sa PNP, wala ginatugutan nga magwa ang biktima sa ila balay bangud may edad na pero naka gwa ini kaina.Suno sa pulis, may posible nga areglohanay sa tunga sang pamilya sang napatay kag driver.

Kun kaina sang aga sa weather update sang PAGASA ginsiling sini nga may mataas nga tsansa nga mag develop liwat ang low pressure area sa isa ka bagyo, sa subong nga hapon naman nga advisory medium na lang ang tsansa nga mangin bagyo ini.Pero paandam sang PAGASA mangin bagyo man ukon maga pabilin nga LPA, palaabuton ang maulanon tubtob sa mabunok nga pag ulan sa Visayas nalakip na ang Isla sang Negros.Ginapaabot nga mangin maulanon tubtob sa weekend samtang naga tabok sa Visayas ang LPA kag pati na ang epekto sang shearline ukon ang pagtabuay sang mabugnaw kag mainit nga hangin sa Pacific Ocean.

https://youtu.be/pLIUrNFiTS0?si=jtbsyBEhMnqgdDIoSupply sang ilimnon nga tubig isa sa mga problema sa mga barangay malapit sa bulkan Kanlaon. Maulanon nga panahon gina preparahan na.

Na-locate na sang Bacolod Traffic Authority Office ang taxi driver nga nag u-turn sa ibabaw sang flyover sa Magsaysay Araneta, siudad sang Bacolod kag nag viral sa social media.Suno kay Jose Antonio Robello, deputy sang BTAO, na isyuhan sang ticket kaina sang aga ang taxi driver angut sa pagsupak sa traffic signs nga may multa nga 100 pesos kag reckless driving nga may multa tanan nga 200 pesos, base sa ordinansa.Suno kay Robello, may nagpalab-ot sa iya sang viral video, pero wala gilayon ma locate, tubtob nga nag pakig-angut ini sa LTFRB.Nagpangayo sang pasaylo ang taxi driver nga isa ka senior citizen matapos nga gin-alegar nagpangabay ang iya pasahero nga mapa hospital, rason nga nag u-turn ini sa ibabaw nga bahin sang flyover.Nagpangabay si Robello sa mga netizen nga p...

Las dos sini nga hapon nangin isa na ka tropical depression ukon bagyo ang low pressure area sa sulod sang Philippine Area of Responsibility.Suno sa PAGASA, as of 2pm, yari na ini sa 215 km east southeast sang Davao International Airport sa Davao City. Base sa report sang Office of the Civil Defense, ginapaabot ang moderate to heavy nga ulan sa Negros sumugod bwas sa udto tubtob Biyernes.Ang bagyo nga gin updan pa gid sang shearline magaresulta sa maulanon nga panahon.

Wala sang kun ano man nga weather disturbance sa sulod kag sa gwa sang Philippine Area of Responsibility nga na monitor ang PAGASA sa subong tubtob sa weekend.Pero gina bantayan sa karon sang state weather bureau ang posibilidad nga may ma porma nga tropical cyclone ukon bagyo sa madason nga semana. May low to medium chances ini nga mangin isa ka bagyo.Nahamtang ini sa east sang Visayas kag Mindanao.

Negros Island ginpaidalom na sang DOH sa code blue. Ang Negros Island Region-Center for Health Development sang Department of Health ang nagpasaka na sang status sang isla halin sa Code White padulong sa Code Blue.Ini kasunod sang pagdeklarar sang Negros Occidental sang state of calamity.Tinutuyo sini nga maka request sang dugang nga mga ayuda para sa mga pumuluyo.Ang code blue nagakahulugan nga may gilayon nga deployment sang health teams, experts kag dugang nga mga units sa tion sang emerhensya.May pila ka mga bagay-bagay nga dapat tandaan sa code blue:Mag-deploy sang Health Emergency Response Teams gilayon sa mga affected areas.Ma inventory kag augment sang critical supplies.Nagapabiin nga dekikado sa gihapon ang sitwasyon sa Kalaon bangud possible pa ini nga mag...

Wala sang matabo nga power interruption sa pagsaulog sang paskwa kag bag-ong tuig. Ini ang ginpasalig sang Negros Power sa mga konsumedor.Suno kay Engineer Leomel Tambanillo, spokesperson sang kumpanya, nagapadayon ang pagtrabaho sang Negros Power kag ang pag-upgrade sang ila linya.Dugang pa niya wala sang patigayunon nga madako nga maintenance work sa mga sub-station sa tion sang paskwa kag bag-ong tuig.Ang mga ginapatigayon nga mga power interruption sa mga nagliligad nga mga semana kag ang sa maabot nga weekend ang kabahin sang 5-year rehabilitation kag modernization plan sang Negros Power para malikawan ang malapnagon nga power interruption kag mangin reliable ang distribution system sang kuryente.Padayun naman nagapangayo sang paghangup ang Negros Power sa mga konsumidor.

Office of the Civil Defense sa Central Visayas nagpaathag nga indi pa pwede makabalik sa sulod ang 6-kilometer danger zone.Ini sa tunga sang alegasyon nga may mga evacuees nga gin pabalik na sa ila nga lugar nga parte pa sang danger zone.Suno kay OCD Region 7 Director Joel Erestain, wala sa gihapon gina tugutan ang pagbalik sa sulod sang danger zone.May mga pulis man suno kay Erestain nga magabulig patuman sini.Dugang pa diutay ang ash fall sa Canlaon City bangud sang dapya sang hangin.Paathag niya indi matagaan sang ayuda kutob sa mga nagbinalik na sa ila nga mga balay nga parte pa sa 6-kilometer danger zone.Gina handaan karon nila ang worst case scenario enkaso nga ipasaka sa Alert Level 4 ang status sang bulkan.Kun matigayon ini mas palaparan pa gid ang danger zone n...

https://youtu.be/R-R7emnoFhQ?si=8IVbbsmsFk6GmBP5Masobra sa 11,000 ka mga persona ang maga saulog sang Paskwa kag maga sug-alaw sang bag-ong tuig sa evacuation centers. Gina dumilian naman sa Canlaon City ang ano man nga pagtipon-tipon sini nga Paskwa.