Na-locate na sang Bacolod Traffic Authority Office ang taxi driver nga nag u-turn sa ibabaw sang flyover sa Magsaysay Araneta, siudad sang Bacolod kag nag viral sa social media.
Suno kay Jose Antonio Robello, deputy sang BTAO, na isyuhan sang ticket kaina sang aga ang taxi driver angut sa pagsupak sa traffic signs nga may multa nga 100 pesos kag reckless driving nga may multa tanan nga 200 pesos, base sa ordinansa.
Suno kay Robello, may nagpalab-ot sa iya sang viral video, pero wala gilayon ma locate, tubtob nga nag pakig-angut ini sa LTFRB.
Nagpangayo sang pasaylo ang taxi driver nga isa ka senior citizen matapos nga gin-alegar nagpangabay ang iya pasahero nga mapa hospital, rason nga nag u-turn ini sa ibabaw nga bahin sang flyover.
Nagpangabay si Robello sa mga netizen nga padayon nga i-report ang mga motorista nga makit-an nga may bayolasyon sa traffic rules kag magpadala sang video bilang ebidensya.