Romeo Subaldo

Wala sang may na monitor nga low pressure area ukon bagyo ang PAGASA sa sulod kag sa gwa sang Philippine Area of Responsibiity.Pero may tatlo ka mga weather systems sa karon sa Pilipinas nga mahimo magdala sang ulan.Una ang hangin Amihan nga naga apekto sa Northern Luzon.Ang Shearline ukon ang pagtabu-ay sang matugnaw kag mainit nga hangin nga naga apekto sa Central Luzon kag ang Inter Tropical Covergence Zone ukon ITCZ ukon ang pagtabo naman sang hangin gikan sa Northern kag Southern Hemisphere nga amo naman ang nagadala sang ulan sa Visayas kag Mindanao.

Nag angkon sang malubha nga pilas ang 14-anyos nga solterito matapos naglabay sa dalan nga may ginsindihan nga "Candle Bomb" sa Barangay Villamonte sang Hwebes nga adlaw.Sa post sang Brgy. Villamonte, ini ang nag resulta sa tuman nga pagdugo sang pilas sang biktima.Gani naga pangabay si Punong Barangay Rommel Flores nga likawan kuntani ang delikado nga mga palupok kag magpangita na lang sang iban nga alternatibo nga kalipayan nga safe para likaw sa disgrasya.Ang biktima ang ginagaan sang first aid sang mga barangay officials nga mga nurses antes gindala sa ospital.Suno sa barangay nga kuntani ang ini nga insidente magaserbe nga leksyon sa tanan nga likawan ang palupok sini nga selebrasyon sang bag-ong tuig kay tuman ka delikado.Ini ang ika duha nga kaso sang firecracker...

Wala sang low pressure area ukon bagyo sa sulod kag sa gwa sang Philippine Area of Responsibiity pero ang Intertropical Convergence Zone ukon ITCZ ang nagadala sang madamol nga panganod sa Visayas kag Mindanao nga amo naman ang naga dala sang ulan.Sa Visayas lakip na ang isla sang Negros, mangin magal-umon ang kalangitan nga may dala nga lapta-lapta nga pag ulan kag pagpanaguob.Ginapaandaman ang tanan batuk sa baha kag landslide.

Patay ang isa ka 21 anyos nga lalaki samtang pilason naman ang amay iya amay matapos gintiro sang isa ka pulis sa Barangay Canjusa, Pulupandan las kwatro sang kaagahon sa mismo nga adlaw sang Paskwa.Suno kay Police Captain Judesses Catalogo, spokesperson sang NOCPPO, ang suspek ginkilala kay Police Corporal Armen Alanza, na assign sa 604th Company Regional Mobile Force Battalion kag residente sang amo man nga lugar.Sa report sang PNP, nagainom ang pulis sa tiange samtang nagbakal si Joman Fuentes, sang ilimnon. Gulpi lang sila nagbaisay kag may may natabo nga komosyon. Nagpaniro na ang pulis.Gindeklarar nga dead on arrival sa Valladolid District Hospital si Joman samtang yara na sa estable nga kondisyon ang iya amay nga si Jomar Fuentes, 52 anyoskag ang pulis.Nag-angkon man san...

Isa ka bag-ong bun-ag nga baby ang nasapwan nga patay sa kalog sa Dumaguete City sang Christmas Day. Kaina isa pa gid ka lapsag ang nasapwan man nga patay sa siudad.Sa video nga kuha mismo ni Punong Barangay Bencio Tan sang Barangay Daro, makita pa nga naga lutaw sa may kanal sa kilid sang isa ka boarding house ang bangkay sang isa ka bag-ong bun-ag nga lapsag sa Barangay Daro, Dumaguete City Negros Oriental sang Disyembre 25. May nagpahibalo na lamang sa punong barangay nga nakita na lang ang lapsag sang mga residente. Sa latest nga report ginsiling sang punong barangay nga nakilala na ang iloy sang bata kag na admit pa ini sa karon sa isa ka ospital.Kaina sang aga isa pa gid ka bag-ong bun-ag nga lapsag ang nasapwan sa may daan nga dumpsite sa Purok Yellowtops, Brgy. Candau-ay, D...

Empleyado sang BPO company pilason matapos ma hit-and-run sang isa ka van nga gina alegar nag beating the red light.Nakita pa sa CCTV video ang pagka bunggo sang van sa kay Dran Leo nga sakay sa motorsiklo malapit sa Lopue’s East mga las nuebe kwarenta sang Martes sang gab-i. Nagligid sa dalan ang biktima kag gilayon nga naka tindog. Ang van nga naka bunggo kag nag palagyo ang nakuhaan sang picture sang mga motorista nga yara man sa area. Gina alegar nga nag beating the red light ini rason nga naka bunggo. Nag angkon sang mga bagras sa lawas ang biktima samtang naga palanakit ang iya nga butkon.Maayo lang kay naka helmet ang biktima. Nag kalagasgasan pa ang helmet kag guba ang mga parte sang iya nga motorsiklo.Gina usisa na sang PNP ang insidente kag ginakilala ang tag-iya sang...

https://www.youtube.com/watch?v=UwdNVJVRnMEBisan wala naga ulan may mud flow sa gihapon sa suba sa Barangay Cabacungan sa La Castellana.Barangay naka handa enkaso palaparan ang extended danger zone.

Nagpatigayon sang buy-bust operation ang Bacolod City Police Office kag Philippine Drug Enforcement Agency sa sulod sang Imperial Court sa Brgy. 6 sa siudad sang Bacolod.Sa report sang PDEA, ang tatlo ka mga nagkaladakpan 18-anyos nga si alyas Budoy, 20-anyos nga si alyas Ping, kag 22-anyos nga si alyas Pat.Nakuha sa ila ang pito ka putos sang ginapatihan shabu nga may estimated value nga P340,000.Napasakaan na sang kaso angut sa paglapas sa Section 5 kag Section 11 sang Republic Act 9165 ukon ang "Comprehensive Dangerous Drugs Act of 2002” ang tatlo ka mga nagdaladakpan.

As of 2pm, ang low pressure area ang yara na sa baybayon sang Vincenzo Sagun, Zamboanga del Sur.May manubo na lang ini nga tsansa nga mangin isa liwat ka bagyo suno sa PAGASA.Ang Visayas nga nagalakip sang isla sang Negros ang maka eksperyensya sang magal-umon nga kalangitan nga may upod nga lapta-lapta nga pag-ulan kag pag panaguob dala sang shear line, ukon ang pagtabuay sang mainit kag matugnaw nga hangin sa Pacific Ocean.

Sa monitoring sang Office of the Civil Defense, may nakit-an nga mud streams ukon lunang nga naupod sa tubig sa mga alagyan sang tubig sa Brgy. Cabacungan kag Biak na Bato sa banwa sang La Castellana. Ini kasunod sang pag-ulan kaina sang aga.Kahapon nagpagwa sang advisory ang Philippine Institute of Volcanology and Seismology sa posible pagluntad sang lahar sa Tamburong Creek sa Barangay Biak na Bato kun sa diin may nag awas nga lahar sang Hunyo 5.Amo man sa Baji Baji Falls kag Talaptapan Creek sa Barangay Cabacungan. Ginapaabot nga mangin maulanon ang panahon sa Negros sa masunod nga mga inadlaw tuga sang low pressure area kag pati sang shearline.Gani dako ang tsansa nga ang pyroclastic density current ukon PDC deposits sa December 9 nga paglupok sang Kanlaon magatuga ...