Romeo Subaldo

Makita pa sa sini nga mga video ang pag ibwal sang kalayo sa sunog nga nagluntad sa Purok Sampaguita 3, Raymund Street, Brgy. Singcang Airport, Bacolod City, las nuebe y media sang Martes sang gab-i.Sa report sang Bureau of Fire Protection - Bacolod, isa ka ancestral house ang nasunog kag ini ang ginapanag-iyahan ni Ma. Cecelia Javelona.Totally destroyed ang amo nga puluy-an nga kalabanan himo sa kahoy. Wala naman sang may nasamaran sa amo nga insidente.

Nasapwan ang mga tul-an sang duha ka mga tawo sa Hacienda Garcia, Brgy. Alangilan, siudad sang Bacolod, subong nga adlaw, Miyerkules.Una nga nakit-an kaina sang aga ang mga tul-an sang tawo nga indi na mahibaluan kun babaye ukon lalaki bangud wala man sang naupod nga bayo.Sini nga hapon liwat nga nagbalik sa lugar ang kapulisan sang Police Station 5 bangud may na-report nga may isa pa gid ka set sang mga tul-an nga nasapwan kag indi man ma kilala bangud wala may nakita nga pwede makabulig sa pagkilala sa tul-an.Suno kay Police Captain Portia Nillosan, hepe sang Station 5 nga posible dungan nga ginwigit ang duha ka bangkay bangud lapitanay lang ang mga areas kun diin ini nakit-an.Nagapadayon pa ang imbestigasyon sang kapulisan sa sini nga kaso.

May mga areas nga nag-amat amat saka ang tubig baha kaina sang aga sa Cadiz City pati na sa mga suba gani nagpatigayon na ang LGU sang pre-emptive evacuation.May mga nag-evacuate sa Barangay Burgos, Caduhaan, Daga, Tinamoaan kag Luna.Pero nakabalik na ang mga nagbiya sa ila nga mga puluy-an.Suno sa PAGASA, wala sang low pressure area kag bagyo sa sulod kag sa gwa sang Philippine Area of Responsibility pero ang Shearline ukon ang pagtabu-ay sang matugnaw nga hangin ukon amihan kag mainit nga hangin nga amo naman ang easterlies ang naga resulta sa pag-ulan sa Southern Luzon kag Visayas.Posible ang pagbaha kag landslide suno sa PAGASA dala sang maulanon nga panahon.

Sa Canlaon City, Department of Agriculture nagsapul na sa mga opisyal para sa recovery plan para sa siudad.Ang Department of Agriculture nga gintiglawas ni Asec. Dan Atayde kag Agricultural Program Coordinating Officer Alejandro Rafal ang nagpadulong sa Canlaon City para makigsapul kay Canlaon City Mayor Jose Batchuk Cardenas kag mga opsiyales sang siudad.Tuyo nila nga maplastar ang recovery plan para sa mga mangunguma nga apektado sang paglupok sang bulkan Kanlaon kag mapagitaan sila sang alternatibo nga palangabuhian.Sa bulig sang Department of Labor and Employment, plano nila nga matagaan sang livelihood training ang mga Internally Displaced Persons ukon IDPs, ukon ang mga pumuluyo nga naga pabilin sa evacuation centers.Ini para masiguro nga padayon...

Dugang nga kaso ipasaka batuk sa pulis nga naniro sang mag-amay sang Christmas.Nagapabilin sa gihapon sa ospital si Jomarie Fuentes.Pero kun makagwa na siya, papirmahon siya sang affidavit. Siya ang amay ni Joman. Sila ang mag-amay nga gintiro ni Police Corporal Armen Alanza sa Pulupandan sang adlaw sang Paskwa.Si Joman ang napatay sa amo nga insidente.Suno kay Negros Occidental Police Provincial Office Spokesperson Capt. Judesses Catalogo, padayon pa sa karon nga gina bulong sa ospital si Jomarie bangud sang pilas sa tiyan tuga sa pagtiro ni Police Corporal Alanza.Dugang pa ni Catalogo, una na nga gin-file ang kaso nga homicide batuk kay Alanza angut naman sa kamatayon sang bata ni Fuentes. Magluwas sa kaso kriminal, si Alanza ang naga pangatubang man sang k...

Tatlo arestado kag masobra sa isa ka milyon ka pesos nga balor sang suspected shabu ang nakuha sa buy-bust operation.Arestado ang high-value individual nga ginkilala kay Moises Cuadra kag ang duha niya ka mga kaupdanan sa nga ginkilala lamang sang PNP bilang alias Erica kag Edron sa ginpatigayon nga drug buy-bust operation sang City Drug Enforcement Unit sang Bacolod City Police Office kaina pasado las kwatro sang kaagahon sa may Purok Lubi, Barangay 3 sa Bacolod City.Nakuha sa ila ang 150 grams sang suspected shabu nga gina bulubanta nagabalor ang P1,020,000.Ang tatlo ang yara na karon sa custody sang PNP kag magapangatubang ang kaso angut sa paghupot kag pagbaligya sang iligal nga droga.

https://youtu.be/cX4v68xgqss?si=LDgLiKJzz1f48_vcBulkan Kanlaon ang nagapakita sang mga sinyales sang magmatic eruption suno sa Phivolcs. Wala sang pagkambyo sa alert level sang bulkan sa karon. Gobernador ang naga panawagan naman sang pag pangamuyo. Mirakulo na lamang suno sa iya ang maka pa kalma sang bulkan.

Ginpatigayon ang isa ka simulation exercise sa Canlaon City nga gintawag nga Plan Exodus sang Disyembre 31.Suno sa kay Mayor Jose Cardenas, ini ang exit operation strategy sang siudad bilang preparasyon sa worst case scenario hinali nga maglupok ang bulkan Kanlaon.Ginphayag ni Cardenas, mahimo nga ma evacuate ang bilog nga siudad kun maglab-ot sa alert level 4 ang bulkan bangud magalab-ot na sa 14 kilometer ang danger zone kag ang siudad ang nahamtang sa sulod sini.Dugang pa niya, paagi sa sini nga tikang matun-an na nga daan ang pagtransport sang mga evacuees padulong sa banwa sang Vallehermoso kag Guihulngan City nga magaserbe bilang temporary shelter sang kapin sa 60,000 ka pumuluyo.

Patay ang katapo sang CAFGU matapos ginbuno bangud sa magahod nga open pipe sang iya nga motor sa Purok Cubay, Brgy. Sta. Rosa banwa sang Murcia kaagahon sang New Year's day.Ang biktima ginkilala sa kay Genno Garcia, 27-anyos samtang ang suspek ginkilala sa kay Reynaldo Aguisanda Jr., 33-anyos.  Suno sa kay Police Major Sherwin Fernandez ang hepe sang Murcia PNP, gina-alegar ginsaway sang suspek ang biktima bangud sa magahod niya nga motor pila ka oras matapos ang pagsug-alaw sa bag-ong tuig.Dugang pa ni Fernandez, nag baisay pa ang duha tubtub nga nagresulta sa pagpamuno.Ginhingagaw dala sa ospital ang biktima apang gindeklarar nga dead on arrival sang doctor.Naaresto ang suspek kag detained na sa Murcia PNP.   Magapangatubang siya sang kaso nga homicide.

Patay ang isa nga ginkilala kay alias Tisoy matapos madulaan sang kontrol sa iya ginamaneho nga motorsiklo las 4:50 sang aga sang New Year’s Day sa Bag-ong Dalan, Prk Neptune, Brgy. Singcang-Airport sa Bacolod.Sa imbestigasyon sang PNP, madasig ang pagpadalagan sang biktima sang iya motor padulong sa sur nga direksyon sang madulaan siya sang control kag nagtabog sa talamnan sa kilid sang dalan.Nalampos ang ulo sang biktima sa bato. Bangud sang impact, napatay ang biktima.