Shadow

Business tycoon nga si Hans Sy ang gindeklarar bilang adopted son sang Bacolod kag honorary mayor sang siudad

Yari sa Bacolod ang Chairman sang Executive Committee sang SM Prime Holdings, Inc nga si Hans Sy Hwebes sang hapon bangud gindeklarar siya sang Sangguniang Panlungsod sang Bacolod bilang adopted son sang Bacolod kag honorary mayor sang siudad.

Ginakilala sang siudad ang mga nahimuan ni Sy sa pagbulig sa disaster resiliency, edukasyon kag health initiatives nga naka bulig indi lang sa Bacolod kundi pati man sa bilog nga pungsod.

Nag switch sang pwesto si Sy kag si Mayor Albee Benitez.

Si Sy ang gintagaan kahigayunan nga magpungko sa pwesto sang alkalde.

Kaupod niya sa pag-abot sa Bacolod ang duha niya ka mga kabataan.

Kada tuig, pinaagi sa Bacolaodiat Festival, may mga Filipino-Chinese nga ginakilala ang siudad bilang adopted son kag honorary mayor – mga indibidwal nga may dako nga papel sa pag-uswag sang Bacolod kag sang pungsod.

Secured By miniOrangeSecured By miniOrange