Romeo Subaldo

Masobra P800,000 nga balor sang suspected shabu ang nakumpiskar sa buy-bust operation sa Prk Kabugwason, Brgy. Mansilingan sa Bacolod City.Ang subject sang operation amo si Ryan Christian Ramos alyas Badong, 28-anyos, residente sang amo nga lugar.Nakuha sa iya ang suspected shabu nga ginabanta naga bug-at sang 90 grams nga naga balor sang P810,000 kag isa ka plastic sang laya nga mga dahon sang gina alegar marijuana nga nagabalor P1,200.Sa karun gin-detain ang suspetsado kag natalana nga pasakaan sang kaso nga paghupot kag pagbaligya sang iligal nga droga.

Patay ang ang isa ka ginkilala kay alias Etok matapos makabunggo ang iya nga motor sa naga park nga truck sa atubang sang Sagay City Hall sa Brgy. Rizal sa Sagay City kaina sang kaagahon.Suno kay Police Lieutenant Colonel Alvimar Flores ang hepe sang Sagay City PNP, nakita sang mga saksi nga nagabali-balik ang motorsiklo antes nabunggo sa truck.Dugang pa ni Flores, malubha nga pilas ang na angkon sang biktima sa kakusog sang impact sang pagkabunggo.Ginhingagaw pa dala sa ospital ang biktima apang gindeklarar siya nga dead on arrival.

Negrense chef nga si Margarita Fores nagtaliwan sa edad nga 65. Ini ang gin-anunsyo sang iya bata nga si Amado Fores sang kahapon. Suno ky Amado, nagakalisod ang ila nga pamilya sa hinali nga pagtaliwan sang iya nga iloy kag naga pangayo sila sang pangamuyo gikan sa publiko. Nakilala si Margarita sa iya sini mga restaurants nga Cibo, Lusso, Grace Park kag Alta.Ginkilala siya bilang Asia's Best Female Chef.Sa statement ni Mayor Nicholas Yulo, iya ginkakibot ang pagtaliwan sang Bagoñea chef.Bisan sa kasakuon sini wala niya ginakalipatan ang iya nga hometown. Ini suno kay Fores ang advice sa iya sang iya lolo nga si Don J. Amado Araneta.

As of 2pm yara na sa gwa sang Philippine Area of Responsibility ang low pressure area nga na monitor sang PAGASA.Nagapalayo na ini sa Pilipinas kag may magamay na lang nga tsansa nga mangin isa ka bagyo sa sulod sang 24 oras.Samtang ang easterlies naman ukon ang mainit nga hangin gikan sa Pacific Ocean ang naga apekto sa malapad nga bahin sang Visayas.Sa Negros Island Region, mahimo magdala ang easterlies sang lapta-lapta nga pag-ulan kag pag panaguob.

Si Department of Tourism Secretary Christina Garcia Frasco ang nag-unveil sang dugang nga mga proyekto para sa iya pinaka una nga engagement sa Negros Oriental sang Lunes sa groundbreaking ceremony sang bag-o nga Hyperbaric Chamber Center sa Población, Dauin.Gin anunsyo ni Frasco nga may kapin sa 450 million pesos ang gin alokar sa tourism road construction sang 2024 kag 2025 sa nag kalain-lain nga mga districts sang probinsya.Ginapaabot niya nga ang ini nga mga proyekto nga makapahapos sa pagkadto sa tourism sites, makatuga sang economic opportunities para sa small and medium enterprises, local tour guides, vendors, kag iban nga suppliers.Gin-abe abi niya man ang Hyperbaric Chamber Center, nga maka benepisyo ang local dive tourism kag katupad sini nga mga banwa kag siudad....

Canter ang naka hit-and-run sa mag-asawa sa Binalbagan.Ang ini nga impormasyon ang nabase sa CCTV footages nga nakuha sang Binalbagan PNP.Paathag ni Police Major Jun Ray Batadlan hepe sang Binalbagan PNP, puti nga canter nga dropside ang nag-hit and run sa mag-asawa nga negosyante sang isda sa Brgy. San Jose sa Binalbagan sang Pebrero 1.Dugang pa niya, nakita sa video nga ang canter ang naglabay sa lugar nga natabuan sang bungguanay kun sa diin na hit-and-run ang mag-asawa nga si Joear kag ang iya misis nga si Gilberta. Ang misis ang napatay sa amo nga insidente.Dugang pa ni Batadlan, indi klaro ang plate number sang canter sa CCTV footage nagapadayon pa gihapon ang ila backtracking subong man gina-usoy nila ang mga lugar nga may yara sang CCTV agud makabuli...

May tatlo ka mga weather systems nga naga apekto sa Pilipinas sa karon.Ang hangin Amihan ang naga apekto sa Luzon, ang inter tropical convergence zone naman ukon ITCZ ang naga apekto sa Mindanao kag liwat na naman nga may shearline sa Visayas.  Ini ang pagtabo sang mainit kag matugnaw nga hangin nga naga resulta sa pag ulan.Bangud sa shearline ang Visayas lakip na ang Negros Island ang maga eksperyensya sang magal-umon nga kalangitan nga may upod nga lapta-lapta nga pag-ulan kag pag panaguob.Ginapaandaman ang publiko nga bisan wala sang LPA ukon bagyo ang shearline ang mahimo magdala sang madamol nga ulan nga magresulta naman sa baha ukon landslide.

Naglab-ot sa 232 ka mga persona ukon 57 ka pamilya ang apektado sang nagluntad nga sunog sa Purok Pasil, Barangay Zone 5 sa siudad sang Talisay kahapon sang hapon.Suno sa pamuno sang DSSD sang Talisay City nga si Dionela Madrona, sa city evacuation center naga tinir sa karon ang mga apektado nga pamilya.Suno kay Madrona, magahatag ang Talisay City Government sang bulig pinansyal para makapatukod liwat ang mga biktima sang sunog sang ila liwat nga puluy-an kag magatanyag ang siudad sang cash for work kun sa diin makabaton ang mga apektado sang minimum wage assistance samtang nagapadayun ang liwat nga pagpatukod sang ila balay.Sa inisyal nga imbestigasyon sang BFP Talisay City posible kuryente ang ginhalinan sang sunog.

Pinaagi sa anti-smuggling operation nga ginpatigayon sang Bacolod Maritime Police Station, Bureau of Customs-VIkag iban pa nga ahensya sang gobyerno, nakuha sa isa ka babaye sang Lunes sang hapon ang gina patihan smuggled nga mga sigarilyo sa Brgy. Cadiz Viejo sa Cadiz City.Na-intercept sang otoridad ang isa ka Mitsubishi L-300 van nga may unod nga kontrabando.Na aresto ang 37 anyos nga babaye nga may dala nga 150 ka reams sang smuggled nga sigarilyo nga naga balor sang PhP168,000.Ang suspek pasakaan sang kaso nga violation sang Customs Modernization and Tariff Act.

May pagtipon-tipon sang panganod nga nakita ang PAGASA sa east sang Mindanao.Suno sa PAGASA gamay ang tsansa nga mag develop ini sa isa ka bagyo pero ila ini sa gihapon nga gina bantayan sa posibilidad nga mangin isa ka low pressure area.Ang hangin nga Amihan ang naga apekto sa gihapon sa Luzon kag easterlies naman ang naga apekto sa Visayas kag Mindanao.Kun aga tubtob sa udto mangin mainit ang panahon sa Visayas kag sa hapon mangin magal-umon ang kalangitan nga may posibilidad ang pag ulan kag panaguob.Sa bwas kag sa Biyernes ginapaabot ang pagbalik sang shearline ukon ang pagtabo sang mainit kag matugnaw nga hangin nga mahimo magdala sang ulan sa halos bilog nga pungsod Pilipinas.