Romeo Subaldo

Isa patay, duha pilason sang mabungguan sang pick up ang tatlo ka persona nga naga bantay sang depasahe nga salakyan sa higad sang dalan.Patay ang isa ka ginkilala kay Alex, 39 anyos sang Mabinay, Negros Oriental kag pilason naman sanday Ambrocio, 69 anyos kag Diego, 58 anyos sang Barangay Sum-ag sa Bacolod matapos mabungguan sang pick up sa Bangga Tomaro, Brgy. Pahanocoy sa Bacolod Domingo sang kaagahon.Ang nagadala sang pick up ang ginkilala lamang kay Jericho, 23 anyos sang Brgy. Balingasag, Bago City.Suno sa kay Police Lieutenant Colonel Ramel Sarona, hepe sang Traffic Enforcement Unit, naga bantay sang depasahero nga salakyan nga masakyan ang tatlo sang nag kalabungguan sang pick up.Suno sa mga saksi, hinali na lang nagsaka sa gutter ang pick up.Dugang pa ni S...

Ginkumpirmar ni Police Captain Greeky Cayao, hepe sang Police station 8 nga biktima sang pagpaniro si Rolando Ermeo Jr., 29 anyos.Nasapwan na lang siya nga patay sang iya amay sa ila nga balay Domingo sang aga sa sa Purok Roma, Brgy. Singcang -Airport, siudad sang Bacolod.Suno kay Cayao, may nakit-an nga isa ka slug sa crime scene.May igo siya sang bala sa iya nga kilay.Nagahigda pa sa katre kag naga panghabol ang biktima sang maabtan sang iya amay.Pukawon siya kuntani para mag-obra pero nadiskubrehan sang iya amay nga patay na siya.May mga anggulo na karon nga gina tutukan ang PNP kag may persons of interest na sila nga posible may kahilabtanan sa kamatayon sang biktima.

Nagapangayo karon sang bulig ang isa ka beauty parlor sa Bago City para makilala ang lalaki nga nag pangawat sang cellphone.Sa post sang Maxinne's Hair Bago City naga Facebook live ang isa ka empleyado samtang naga paninlo sang parlor.Hinali na lang nga ginsulod sang isa ka lalaki ang parlor kag ginkawat ang cellphone sang empleyado nga amo man ang gina gamit sa pag-live.Natabo ang insidente Domingo sang aga sa Barangay Lag-asan.Panawagan sang tag-iya sang parlor sa publiko, ipahibalo sa ila ukon sa Bago City PNP ang kun sin-o man ang nakakilala sa lalaki sa video.Handa siya maghatag sang reward sa makakilala sa amo nga persona.

Arestado ang isa ka 19 anyos nga lalaki sa buy-bust operation sang Murcia PNP kag PDEA sa National Highway, Sitio Bomba, Barangay Salvacion, sa banwa sang Murcia sang nagligad nga Biyernes.Nakuha sa subject sang operation ang tatlo ka mga sachet sang suspected shabu nga naga bug-at sang 20 grams kag gina bulubanta naga balor sang 136,000 pesos.Sa report sang PDEA ang subject ang ginkilala kay alias Bon sang Barangay 1 sa Murcia. Naga pangatubang siya ang kaso nga pagsupak sa Comprehensive Dangerous Drugs Act of 2002.

Sa Silay City, enkargado sa hacienda patay matapos gintiro sa Valentine's Day.Wala na makaluwas si alias 'Ricardo', 63-anyos matapos gintiro subong nga Valentine's Day, pasado las-7 sang aga, sa Hacienda San Isidro, Brgy. Bagtic.Suno kay Silay City PNP Deputy Chief Police Major Sarah Villanueva, gikan sa ila nga balay ang biktima pasado las sais sang aga para  magdul-ong sa iya nga bata sa Brgy. Kapitan Ramon.Papauli na ang biktima sa Brgy. Guimbalaon pero pag abot sa crime scene, ginpaarakan tiro sang mga suspek.Tatlo ka mga igo sang bala sa ulo kag lawas ang ginkamatay sang biktima. Ginahibalo pa sang PNP kun ano ang motibo sa pagpatay sa biktima kag kun sin-o ang sa likod sang krimen.

Ang autopsy result sa bangkay sang BPO company employee nga nasapwan patay sa Talisay ang yara na sa PNP.Daku ini nga bulig sa imbestigasyon sang Talisay City PNP sa kaso ni Carl Kimberlyn Degabi, ang babaye nga nasapwan patay kag wala na sang underwear sa Hacienda Nilo Lizares, Barangay Matab-ang sa siudad sang Talisay sang Enero 12.Suno kay Talisay PNP Deputy Chief Police Major Rhazl Jim Jocson, nag-ayo ang pamilya ni Degabi nga indi na ipalayag sa publiko ang kabangdanan sang kamatayon sang biktima.Pero suno sa iya kun iga-base sa resulta sang autopsy, yara sa lima ka tawo ang ginalantaw nga persons of interest sang kapulisan nga may kahimuan sang krimen.Nagpasalig ang Talisay CPS nga mahatagan sang hustisya ang kamatayon ni Degabi.

Sa kabukiran sang Barangay Caduhaan sa Cadiz City natabo ang pag-engkwentrohanay sang katapo sang 79th Infantry Battalion kag nabilin nga pwersa sang NPA sang kaagahon sang Hwebes.May pagbayluhanay sang lupok gikan sa mga rebelde kag pwersa sang gobyerno sa sulod sang halos apat ka minutos,Suno kay 79th Infantry Battalion Civil Military Operations officer, Lt. Dan Carlo Samoza, natabo ang pagbaluhanay sang lupok sa lugar bangud sang ila focus military operations.Suno sa army, plano sang grupo nga pagpatigayon sang preparasyon para sa eleksyon ilabi sa ila ginahimo nga extortion ukon pagpangilkil base sa dokumento nga na recover.Ginkumpirma sang army nga na pilasan ang finance officer sang nabilin nga pwersa sang Northern Negros Front sang NPA sa natabo nga encounter.

Masobra sa isa ka libo ang iga deploy sang militar para sa 2025 elections.Suno kay B/Gen Ted Dumosmog ang pamuno sang 303rd Brigade sang Philippine Army, 45 ka mga opisyales, 800 ka enlisted personnel kag 200 ka CAFGU ang ila nga gin commit para sa 2025 elections.Sa karon sa ila nga monitoring wala sila sang may na-monitor nga threat gikan sa New People’s Army may kaangtanan sa piniliay. Samtang, gina handaan man nila ang sitwasyon sang bulkan Kanlaon.Kun matabo gid man nga maglupok ang bulkan may magamit pa man sila para sa evacuation kasubong man sa security.Pero labi man nilang kinahanglan ang bulig gikan sa LGU man.Sa ila datus suno kay Dumosmog kun magsaka sa Alert Level 4 ang bulkan kag magalab-ot sa dose ka kilometro ang mangin danger zone may mga 75,000...

Isa ka shooting incident ang natabo sa Sitio Mojon, Brgy. Calas-gaan, Bais City, Negros Oriental, Martes sang kaagahon.Sa initial report gikan sa PNP, isa ka ginkilala kay Mario,ang naghangkat sa iya utod nga si Renato sang inaway.Gintiro ni Mario si Renato sa dughan.Nakabato si Renato kag nakakuha sang kahoy nga iya ginlampos sa ulo ni Mario sang makapila ka beses.Suno sa mga saksi, nag-inaway ang duha sang gin guba ni Mario ang balay ni Renato gani gintiro niya ini. Si Renato gindala sa ospital samtang napatay naman si Mario suno sa PNP.Nakuha sa crime scene ang pusil kag kahoy nga gingamit sang mag utod. Gin-detain naman si Renato sa Bais City PNP.

NPA nga napatay sa encounter sa La Libertad gilayon nga ginpalubong sang iya pamilya.Tungang gab-i sang Martes ginpahingagaw lubong si Rolito Aapatan Tanillon sang iya nga mga himata sa kabukiran sang Barangay Tala-on sa La Libertad Negros Oriental.Suno kay Lt. Stephen Polinar, spokesperson sang Negros Oriental Police Provincial Office (NOPPO), matapos nga na retrieve sang SOCO ang bangkay kag gindala sa town proper para sa autopsy, gilayon ini nga ginkuha sang ila barangay official kag himata para mapalubong.Gina-alegar nga si Tanillon ang katapo sang na dismantle nga Central Negros 1 Front sang Komiteng Rehiyon-Negros, Cebu, Bohol kag Siquijor.Isa siya sa apat ka mga NPA nga na engkwentro sang 62nd IB Lunes sang gab-i. Gina-alegar nga sila ang kabahin sang ma nag pang sun...