Romeo Subaldo

Nasunog ang duha ka mga classroom sang senior high school, faculty room, library, kag canteen sang Siaton National High School sa Negros Oriental sang Martes sang gab-i.Sa inisyal nga impormasyon ang Bureau of Fire Protection, antes nagdako ang kalayo may nakit-an ang gwardiya nga spark sa linya sang kuryente sa isa sa mga classrooms.Madasig nga nag lapta ang kalayo sa mga pasilidad sang eskwelahan gani pati ang mga residente malapit sa eskwelahan ang nag kinarankaran.Naabo ang mga pulungkuan, lamesa kag mga libro.Nagbulig pa sa pagpalong sa kalayo ang mga fire stations sa kaiping nga mga banwa kag siudad.Wala naman sang may nareport nga nasamaran sa insidente.Gina usisa pa sang BFP kun ano ang ginhalinan sang sunog.

Ginpalubong na sang katapo sang 62nd Infantry Batallion sang Philippine Army ang bangkay sang gina-alegar katapo sang New People’s Army nga napatay sa nagluntad nga engkwentro sa Brgy. Humay-Humay sa Guihulngan City sa Negros Oriental sang nagligad nga semana.Ang bangkay ginkilala kay Tony Pahayahay, alyas Alden/Redol ang ginpalubong na lang sa patyo sa Brgy. Poblacion, Martes sang hapon bangud wala sang pamilya nga nagkuha sang bangkay.Sa natabo nga encounter sadtong Mayo 1, na recover na lang sa area ang bangkay sang rebelde, isa ka M4 assault rifle, M16 rifle, tatlo ka mga M16 long magazines, 30 ka mga bala sang 5.56 mm, kag personal nga mga pagkabutang.

Natunaw na ang low pressure area nga nagdala sang ulan sang Sabado sa Kabisayaan. Pero may bag-o na naman nga low pressure area nga na monitor sa baybayon sang Tuburan, Cebu. Ginapaabot nga magamay ang tsansa nga mag-develop ini sa isa ka bagyo sa masunod nga 24 oras. Pero magadala ang LPA sang ulan sa Visayas kag sa porsyon sang Luzon.Suno sa PAGASA, isa tubtob duha ka mga bagyo ang mahimo maglabay sa Pilipinas sa sini nga bulan sang Mayo.Gina paabot nga mangin mainit naman ang panahon pag-abot sang Lunes, adlaw sang Pinili-ay.

Nag abot na Martes sang aga sa ila nga balay sa Brgy. Buanoy, Balamban, Cebu ang bangkay sang isa sa mga gina alegar katapo snag New People’s Army nga napatay sa encounter sa Kabankalan City sang Domingo nga si Jhonn "Dee" Supelanas alias Dahlia.Si Alias Dahlia ang gina siling sang Philippine Army nga political instructor sang nabilin nga pwersa sang South West Front sang NPA. Alumna siya sang University of the Philippines Cebu.Base sa impormasyon gikan sa Tug-ani, ang Official Student Publication sang UP-Cebu, si Supelanas ang nagkuha sang kurso nga Bachelor of Arts in Communication. Isa siya ka transwoman activist, student leader nga naga pakigbato sang libre nga edukasyon, basic social services, good governance kag democratic rights.Nangin kabahin man siya sang fact-finding ...

Sa ginpatigayon nga drug bust operation sang Lunes sang gab-i, na recover sang Bacolod City Police Office City Drug Enforcement Unit ang 270 grams kag ginabanta nagabalor sang 1,836,000 pesos sang ginasuspetsohan shabu sa Purok Manayawsayaw, Barangay Mansilingan sa Bacolod.Ginkilala ang nagkaladakpan nga sanday alias July kag alias Antonio .Si July ang ginakabig nga high value individual sang PNP samtang gin-ako naman ni Antonio nga nagagamit sang iligal nga droga.Nakuha kay July ang pito ka sachet kag tatlo ka bulto nga plastic bag nga may unod nga suspected shabu.Si July ang pasakaan sang kaso nga pagbaligya kag paghupot sang iligal nga droga kag si Antonio naman possession of illegal drugs nga kaso.Detained sila sa Police Station 7 sa Bacolod.

As of 2PM ang low pressure area ang nagwa sa Philippine Area of Responsibility kag yara na sa 755km east sang General Santos City.Pero suno sa PAGASA, mahimo ini magsulod liwat sa PAR sa sulod sang 24 oras.May magamay nga tsansa nga mag-develop sa isa ka bagyo sa sulod sang 24 oras.Naupod ini sa gihapon sa inter tropical convergence zone.Ginapaabot ang pagsaka sang axis sang ITCZ gani maulanon nga panahon ang palaabuton sa pila ka regions sa Visayas lakip na ang Negros Island Region subong nga gab-i.Bwas mangin maulanon sa gihapon sa Visayas kag Mindanao.Ginapaandaman ang naga puyo malapit sa suba batuk sa posible nga baha kag landslide naman sa mga nabukid nga mga lugar.

Ginrekomenda sang Disaster Risk Reduction and Management Council sang La Carlota City ang pag-ban sang outdoor mass gatherings sa tunga sang mga aktibidad sang Bulkan Kanlaon.Ginarekomenda sang DRRMC kay Mayor Rex Jalando-on ang pagpatuman sang ban sa mass outdoor gatherings ilabi na ang mga pagtiliipon sa public plaza kag sa oval sang Doña Hortencia Salas Benedicto National High School.Para sa NDRRMC ang outdoor mass gatherings ang posible magbutang sa publiko sa delikado nga sitwasyon kag mangin kabangdanan sang problema sa emergency response operations.Gina haylo ang publiko nga magsuksok sang face mask kun yara sa gwa.Kanselado na ang tanan nga mga aktibidad sa city gymnasium kag oval sumugod Abril 26.Una na nga ginpahayag sang Philippine Institute of Volcanology an...

Patay ang 76 anyos nga si Antonio Obinque matapos masunog ang iya sini nga balay sa Sitio Medina, Brgy. Rizal sa San Carlos City sang Domingo.Suno sa kay Police Major Ronald Santillan ang Deputy Chief of Police sang San Carlos City PNP, nagsindi ang biktima sang kingki apang gina patihan nga ini ang nahulog kag naglapta ang kalayo sa iya nga balay.Dugang pa sang pulis nga may kabudlayan sa pag giho ang biktima kag naga isahanon lang sa iya nga balay gani wala na siya maka gwa.Wala man may nakita nga foul play ang PNP sa insidente.

Nasunog ang porsyon sang Molobolo Elementary School sa Vallehermoso, Negros Oriental, Lunes sang aga.Suno sa Bureau of Fire Protection, tatlo tanan ka mga classrooms ang nagakalasunog.Naglab-ot pa sa tatlo ka oras antes napalong ang kalayo nga nag sugod sa first floor sang school building.Ginbudlayan man ang mga bombero bangud tuman ka baskog sang kalayo.Ginabulubanta nga yara sa P300,000 ang balor sang halit sang kalayo.Gina usisa pa sang BFP kun ano ang ginhalinan sang kalayo.Wala na sang mga estudyante sang natabo ang sunog bangud natapos na ang school year pero may mga learning materials nga na abo sa sunog.