Romeo Subaldo

Napatay ang drayber sang motorsiklo matapos mabunggo sa isa ka trailer truck sa National Highway sang Barangay Mag-abo, Amlan, Negros Oriental Martes sang udto.Ang napatay ginkilala kay alias James, 21 anyos samtang ang drayber sa truck ginkilala lamang kay Jovanie.Sa imbestigasyon sang PNP, nagbiyahe pa Tanjay ang direksyon samtang ang truck nagapasugata.Sa pag-abot sa lugar sang insidente, ang motorsiklo ang nag head-on collision sa truck nga nagresulta sa kamatayon sang motorcycle rider.

https://youtu.be/eDHI_NXKE1g?si=ldyDjdxnzb4fKSQcMag-utod nga menor de edad patay sa sunog kaina sang kaagahon sa Bacolod. Iloy sang mga bata nagwa lang para magbakal sang pagkaon. Pagbalik niya, bangkay na sang iya kabataan ang iya nga naabtan.

As of 2pm sini nga Martes, ang gina monitor nga low pressure area sang weather bureau nga PAGASA ang yara na sa gwa sang Philippine Area of Responsibility.Magadala ini sang ulan sa area sang Palawan.  Ang Inter tropical convergence zone naman ukon ITCZ ang naga apekto sa Palawan kag Mindanao kag ini man ang nag dala sang pagbubo sang ulan diri sa Isla sang Negros kag Siquijor subong nga Martes sang hapon.Naga apekto man ang easterlies sa gihapon sa Visayas kag naga dala sang mainit kag mapaang nga panahon kag mahimo man magdala sang pag ulan.

Gin okupar nga jeep pakadto sa isa ka resort natumba sa Talisay City.11 tanan ka mga persona ang pilason matapos nga matumba ang ila gin okupar nga depasahe nga salakyan sa Sitio Mambucano, Brgy. Cabatangan sa Talisay City kaina sang aga.Ang driver ginkilala sa kay alyas Ian kag may 11 siya ka mga pasahero nga nagalakip sang tatlo ka menor de edad.Sa imbestigasyon sangTalisay City PNP, gikan sa banwa sang Pulupandan ang jeep kag okupar pakadto sa isa ka resort sa Talisay.Paglab-ot nila sa talaklaron nga dalan, naka second gear ang driver kag sang ibalik niya sa primera, nag isol ang jeep kag natumba nga nangin rason sang pag angkon sang mga sakay sini sang minor injuries.

Masobra sa P3/kWh ang inubo sa bili sang kuryente sa residential rate sang NOCECO sa bulan sang mayo. Nag anunsyo ang Negros Occidental Electric Cooperative nga may pagnubo sa bili sang kuryente sang P3.58 per kilowatt-hour sini nga bulan sang Mayo. Mangin P12.0262/kWh ang rate sang NOCECO halin sa P15.6104/kWh sang bulan sang Abril. Ang pagnubo sang generation charge ang isa sa mga rason sa pagnubo sang bill sa kuryente para sa bulan sang Mayo bangud nagnubo man ang bili sang kuryente halin sa Wholesale Electricity Spot Market ukon WESM. Ang NOCECO ang power cooperative nga naga cover sang Pulupandan papanaog sa Hinoba-an sa Southern Negros Occidental. Ang NONECO kag Negros Power ang wala pa sang announcement agut sa power rates para sa bulan sang Mayo.

38 ka mga volcanic quakes ang na monitor sa Bulkan Kanlaon sang kahapon, Martes. Padayon ang pagtinlo sang mga dalanon nga natabunan sang abo.Matapos ang 180 ka mga volcanic quakes nga na monitor sang Philippine Institute of Volcanology and Seismology sang Mayo 12, antes nag alboroto ang bulkan, kahapon nanaug ini sa 38 ka mga pagtay-og nga na record sa bulkan. Yara sa 5,241 ka tonelada sang sulfur dioxide ang ginbuga sang bulkan kahapon kag nagdangat sa 1,000 metros ang kataason sang gina buga sini nga steam. Nagapabilin sa gihapon sa Alert Level 3 ang bulkan, buot silingon may magmatic unrest ini kag posible pa nga mag alboroto liwat suno sa Phivolcs matapos ang lima ka minuto nga explosive eruption sang kahapon. Indi sa gihapon pwede maka sulod sa 6 kilometer danger zone. Padayon an...

Tanan nga contingency lakip na ang logistics sa mga lugar nga apektado sang bulkan Kanlaon ang naplastar na para sa ginapaabot nga piniliay sa Lunes.Office of the Civil Defense naga abiso sa mga internally displaced voters nga mag kooperar sa maabot nga piniliay.Ginsiling ni OCD Regional Director Donato Sermeno nga kahapon, Hwebes, sa briefing ni Philippine Institute of Volcanology and Seismology Head, Teresito Bacolcol, wala sang pag bag-o sa ila nga observation sa Bulkan Kanlaon gani naga pabilin sa gihapon ini sa Alert Level 3.Ang mga local disaster teams yara na sa blue alert para sa gina paabot nga piniliay kag ang OCD naman suno kay Sermeno ang yara sa red alert. Sila ang maga padala man sang ila nga tiglawas sa REMAC ukon ang Regional Election Monitoring Action Center. A...

Gin inspeksyon ni PRO-NIR Director Brigadier General Thomas Ibay ang mga police stations sa La Carlota City, La Castellana, Canlaon City, Moises Padilla, Isabela, Binalbagan, Hinigaran, and Bago CityNag panagtag man siya sang facemask sa mga personnel nga na assign sa mga checkpoints agud mapunggan ang pagsulod sang mga tawo sa danger zone sang bulkan Kanlaon.Gin inspeksyon pa ni Ibay ang evacuation centers agud lantawon ang sitwasyon sang pumuluyo didto.Isa sa mga mayor nga rason sa pag libot niya kaupod si NOCPPO Director Col. Rainero de Chavez agud ma inspect ang deployment sang mga pulis para mapasiguro ang kalinong kag seguridad sa probinsiya.

Patay ang 6 anyos nga bata nga babaye matapos makuryente sa Sitio Cotcot, Brgy. Mabini sa Cadiz City sang Huwebes.Sa pakig sugilanon sang Cadiz City PNP sa amay sang biktima, iya gin istorya nga magasaksak sang charger sang cellphone ang biktima sang hinali na lang siya makuryente sa iya pagsaksak. Ginhingagaw pa dala sa ospital ang menor de edad apang gindeklarar nga dead on arrival pag abot didto.

Nag gwa sa resulta sang post mortem examination sa duha ka mga bangkay nga nasapwan nga ginlubong sa La carlota City nga wala sila sang igo sang bala kag wala man sang agi sang buno. Ang lawas nanday Alyas Atong kag Alyas Follow up ang nasapwan sa Hacienda San Roque, Barangay Cubay, sa La Carlota sang Mayo 4 sang aga.Suno kay Police Captain Rosinie Cabuena, deputy chief of Police sang La Carlota PNP, may nakit-an nga mga lagob sa lawas sang mga biktima nga daw kasubong nga ginlampusan sang matig-a nga bagay.Padayon pa ang pagpangusisa sang PNP para makilala ang nagpatay sa ila nga duha kag sa background sang mga biktima.Nagwa sa imbestigasyon sang otoridad nga si alyas Follow up ang napreso sadto bangud sang kaso nga pagpangawat.