Romeo Subaldo

Punjabi Indians nag panagtag sang ilimnon nga tubig sa mga sumilimba sang Biyernes Santo.Sa video nga kuha ni ArkyPila Go nga vlogger sa may downtown sang Bacolod Biyernes Santo sang hapon ang mga Punjabi Indians sang Sikh Temple sa may Hervias ang nag napanagtag sang ilimnon nga tubig sa mga nag tambong sa prosesyon.May ginset-up man sila nga lamesa sa gwa sang San Sebastian Cathedral.Gani sa isa ka post, ang San Sebastian Cathedral ang nagpasalamat sa ila nga sa pihak sang nagkalain-lain nga relihiyon kag pag tutluohan, wala sila nagakalipat nga magbulig sa ila isigkatawo.

Gintupok sang kalayo ang 11 ka daan nga mga bus sa junkyard sang One Communities South Hill Subdivision sa Barangay Cabug, sa siudad sang Bacolod Domingo sang hapon.Suno sa kay FO2 Anthony Val Insansa, sunog gid ang 9 ka bus samtang duha naman ang na damage.May isa ka 62 anyos nga lalaki nga naka agom sang paso sa tiyan.Suno sa BFP napalid ang sin sang motorpool kag naigo sa live wire kag ang nautod nga livewire nagtupa sa mga bus nga ginhalinan sang sunog.Gina bulubanta nga yara sa 20,000 pesos ang damage nga natuga sang kalayo.

Matapos ang dako nga rollback sa presyo ang produkto petrolyo sang nagligad nga semana, may dako na naman nga saka sa bili sini sa bwas, Martes.Base sa announcement sang petroleum companies, P1.35 ang isaka sa kada litro sang gasoline.  P1.30 naman ang isaka sa kada litro sang diesel kag P1.10 ang saka sa kada litro sang kerosene.Ini bangud sang nagasaka nga global trade tension bangud sang pag pressure sang Estados Unidos sa Iran sa iya sini nga Nuclear program kag pag patuman sang US sang bag-o nga sanctions para mapanubo ang Iranian oil export suno sa Jetti nga oil company.

https://youtu.be/dRlAi8rU07c?si=0Ck0ZHg4pTtos9EuPagtambak sang basura sa kilid sang Sum-ag River ang ginpapanaugan sang cease and desist order.Isa pa gid ka mangrove area sa Punta Taytay ginreklamo man kay gintambakan man sang basura.

47 anyos nga tanod ang patay sa pagpaniro.Nagakatulog sa ibabaw sang iya nga tricycle si alias Grace sang gintiro sa Brooksville Housing, Brgy. Punta Salong banwa sang Manapla Miyerkules sang kaagahon.Suno sa kay Police Major Robelito Mariano ang hepe sang Manapla PNP, kinaangdan na sang biktima nga magtulog sa atop sang iya nga tricycle kag kaina posible nga samtang nagakatulog siya gintiro siya ang wala pa makilala nga suspek.Patay na siya sang mag-abot sa ospital.Suno pa sa PNP gina usisa man nila kun ang pagtiro sa iya may kaangtanan sa pag engkwentrohanay nila sang iya kaingod bala.Nakuha sa lugar sang insidente ang walo ka basiyo sang 9mm pistol.Gina usisa pa sang PNP kun sin-o ang posible may kahimuan sang krimen.

Ang una nga sunog ang na record sa isa ka simbahan sa Purok Sambag sa Barangay Mandalagan sa Bacolod mga las tres kwarenta Miyerkules sang kaagahon.Ini ang simbahan sang House of Glory Foursquare Gospel Church. Nagdangat na sa 1,500,000 pesos ang halit sang kalayo.Isa pa gid ka sunog ang nagluntad mga las sais kwarenta naman Miyerkules sang aga sa Purok Progreso, Zone 2, Abada Escay, Brgy. Vista Alegre sa Bacolod gihapon kun sa diin duha ka mga balay ang nagkalasunog.Nagdangat naman sa 1,212,000 pesos ang kahalitan sang kalayo.Masobra tanan sa P2.7M ang halit nga gintuga sang duha ka mga insidente sang sunog subong nga Miyeklues Santo.Gina usisa pa sang BFP kun ano ang ginhalinan sang kalayo.

https://youtu.be/KtXaI8typCk?si=Rt8KzSVcd9iAvFbvAbo sa mga dalanon sa mga lugar sa La Carlota nga tuman nga na apektohan sang ash fall ang nagdiutay na lang.Amat-amat na nga naga balik sa normal ang sitwasyon pero ang supply sang ilimnon nga tubig ang naga panguna nga kinahanglan sang mga pumuluyo.

Arestado ang isa ka 50 anyos nga lalaki nga ginkilala kay alias Eljin nga residente sang Bais City, NegrosOriental matapos makuhaan sang binulto-bulto nga suspected shabu kaina sang aga.Sa inisyal nga impormasyon gikan sa PNP, natabo ang buy-bust operation sa may Barangay Maslog sa Sibulan, Negros Oriental.Gina bulubanta nga naga bug-at sang apat ka kilo ang suspected shabu nga nakuha sa subject kag gina bulubanta nga naga balor ini sang 27.2 million pesos.Detained ang suspek sa Sibulan PNP kag kasuhan sang paghupot kag pagbaligya sang iligal nga droga.

https://www.youtube.com/watch?v=1rs0uhqJjtMNag viral ang ang  video nga kuha ni Exequella Arrieta.  Las otso sang kagab-i sang  naglabay sila sa Hibbard Avenue sa Dumaguete City sang madeparahan niya nga ang gina sundan niya nga tricycle ang may gina guyod nga ido.Ang lawas sang ido nagasudsod sa dalan samtang naga dalagan ang tricycle. Gin businahan niya ang tricycle kag ginsinggitan amo na lang pagpondo sang driver.  Pero ginsabat sila sang driver nga patay na nga daan ang ido.Ginpangita sang Dumaguete City Traffic Management Office driver sang tricycle kag gin usisa kag naga alegar ang driver nga ginkarga niya ang patay nga ido sa likod kag nag bitay ini sang maglabay ini sa humps.  Wala siya kuno kabalo nga nahulog ang ido.  Inuglubong niya na ini kun tani.Gina usisa ...

Nag pagwa sang advisory ang PHIVOLCS sini nga hapon nga tigayon na nga napalong ang kalayo malapit sa crater sang bulkan Kanlaon.  As of 9am wala na sang may na monitor nga kalayo ang PHIVOLCS kag wala naman sila may na-monitor nga kun ano man nga bagay nga halinan sang sunog.Kahapon matapos ang minor explosive eruption sang Kanalon, nag sugod ang kalayo.Indi madali-dai palong ang kalayo bangud wala sang tawo nga gina tugutan mag palapit sa bulkan kay delikado pa ang sitwasyon.Kagab-i nagbubo ang ulan kag mahimo ini ang ginhalinan sang pagkapatay sang kalayo.