Romeo Subaldo

Gin anunsyo sang Negros Power nga may yara sang P0.55/kWh nga pagnubo sa bili sang kuryente para sa residential rate nila. Halin sa P11.69 nga rate sang nagligad nga bulan, mangin P11.14 na lamang ini.Para sa pamilya nga naga konsumo sang 200 kWh, maka kinot sang P200 suno sa Negros Power.Samtang, gin anunsyo man sang Negros Occidental Electric Cooperative ukon NOCECO nga may P0.61 /kWh naman nga pagnubo sa bili sang ila nga kuryente sini nga bulan.Halin sa P12.02/kWh sang Mayo, mangin P11.41/kWh na lang ini sini nga Hunyo.Ini bangud sang pagnubo man sang bili sang kuryente sa Wholesale Electricity Spot Market ukon WESM.Ang NONECO ang wala pa sang announcement bahin sa pagnubo sa bili sang kuryente.

Patay ang isa ka ginkilala kay alias Allan, manugbantay sa isa ka quarry sa natabo nga sunog sa Hacienda Natividad sa Brgy. Caduhaan, Cadiz City kahapon, Lunes.Sa report sang Bureau of Fire Protection- Cadiz City, pasado las-7 na sang aga gin-report sa ila ang natabo nga sunog kag sa ila pag padulong sa lugar sang insidente ila nasapwan ang bangkay sang biktima.Nagapati ang BFP nga posible nga na-trap ang amo nga persona sa iya balay kag naga isahanon lang siya nga naga istar diri. Wala man siya sang mga kaingod balay. Ginahibalo pa kun ano ang ginhalinan sang kalayo.

As of 2pm, ang gina monitor nga low pressure area sang PAGASA ang yara na sa baybayon sang San Juan, Batangas.Suno sa PAGASA, wala sang tsansa nga mag-develop ini sa isa ka bagyo sa sulod sang 24 oras.Dako naman ang tsansa nga mangin maulanon naman ang malapad nga area sang Luzon.Ang Easterlies ukon ang mainit nga hangin gikan sa Pacific Ocean ang maga apekto sa eastern portion sang Pilipinas.Mangin mainit sa Visayas lakip na sa isla sang Negros. Kun may pagbubo sang ulan, ina naman ang dala sang localized thunderstorms.

Patay ang mag-asawa nga sanday Joselito kag Janice Eluna sang Zamboangita, Negros Oriental matapos mabungguan sang isa ka pick up ang ila gina sakyan nga multicab.Sa imbestigasyon sang Siaton PNP, Biyernes sang aga sang padulong kun tani sa simbahan ang mag-asawa sa Bayawan City pero sa paglab-ot nila sa highway sang Brgy. Cabangahan sa Siaton sa Negros Oriental nabungguan sila sang pick up nga naga dalagan halin sa pihak naman nga direksyon.Isa ka 82 anyos ang nagadala sang pick up nga ginkilala kay alias Anastacio.Gikan naman siya sa Bacong kag paglabay sa nagakurbada nga dalan nawad-an siya sang control sa salakyan kag nagrekta ini bunggo sa multicab.Sa kakusog sang impact naglabog ang duha ka mga salakyan sa higad sang dalan nga nagresulta sa kamatayon sang mag-asawa s...

Patay ang lalaki nga nagadala sang motorsiklo nga ginkilala kay alias Dondon sang mabunggo ang iyamotorsiklo sa isa ka bus sa national highway sang Brgy. Bonawon, Siaton, Negros Oriental Biyernes sang hapon.Sa report sang Siaton PNP, ang Ceres bus ang padulong sa Dumaguete City samtang sa pihak naman nga direksyon ang motorsiklo.Base sa pahayag sang mga saksi may nabungguan nga ido nga nagtabok sa dalan ang motorsiklo nga nagresulta sa pagkadto sini sa pihak nga lane kag nagrekta bunggo sa naga padulong nga bus.Sa kakusog sang impact nalampos pa ang driver sang motor sa windshield sang bus. Nag angkon siya sang mga samad sa lawas kag gindeklarar nga patay na pag abot sa ospital.Liwat liwat ang otoridad sa pahanumdom sa publiko nga ang ido ang dapat wala gina pabay-an sa...

As of 2pm may na monitor ang PAGASA nga low pressure area sa sulod sang Philippine Area of Responsibility pero sa subong gina lantaw nga indi ini mag develop sa isa ka bagyo sa sulod sang 24 oras.Sa forecast sang PAGASA, may dako nga tsansa sang pagbubo sang ulan sa Visayas nga nagalakip sang isla sang Negros bangud sang epekto sang easterlies ukon ang mainit nga hangin gikan sa Pacific Ocean.May dala ini nga panganod nga nagatabon sa Visayas nga amo ang nagadala sang ulan.Ang ITCZ naman ukon ang inter tropical convergence zone ang naga apekto sa area sang Mindanao.

Nagpanawagan si President Ferdinand Bongbong Marcos Jr para sa courtesy resignation sang tanan nga Cabinet members para  ma-recalibrate kag maka focus sa direction sang iya administrasyon kasunod ang mga political developments sa pungsod.As of press time halos kalabanan sa mga cabinet secretaries ang nag sumite na sang ila nga resignation letters kabahin na diri sa TESDA Director General Jose Francisco Kiko Benitez nga anay kongresista ang 3rd district sang Negros Occidental.Suno sa iya naka handa siya nga magserbisyo sa ano man nga kapasidad kag para sa presidente.Suno sa kay Presidente Marcos, base sa resulta sang pinili-ay nabatian niya ang singgitan sang pumuluyo nga indi pulitika kag indi palusot ang luyag nila.Nagpasalig naman ang Malakanyang nga indi ma apektuha...

Ang intertropical convergence zone ukon ITCZ ang padayon nga naga apekto sa Mindanao.Ini ang pagtabo sang hangin sa northern kag southern hemisphere gani dako sa gihapon ang tsansa sang pag ulan. Samtang ang easterlies naman ukon ang mainit nga hangin gikan sa Pacific Ocean ang naga apekto sa Visayas kag Luzon.Ang moisture nga dala sini ang mahimo magdala sang ulan.Sa subong wala sang kun ano man nga weather disturbance sa gwa kag sa sulod sang Philippine Area of Responsibiity gani ginapaabot man sang PAGASA nga wala man sang may masulod nga bagyo sa Pilipinas tubtob katapusan sang Mayo.

Nangin madata na ang reklamo sa social media sa puerto sang Dumaguete City nga kadamo na katama sang fixers kag daw wala na sang sistema sa pagsakay sa mga ferry boat pa isla sang Siquijor.  Isa ka bagay nga indi manami para sa imahe sang Negros Oriental nga isa ka tourist friendly city.Gani si Negros Oriental Governor Manuel Sagarbarria, pinaagi sa isa ka sulat ang nag pangayo sang paathag gikan sa Philippine Ports Authority ukon PPA kag Marina kun ano nga mga tikang ang ila nga gina himo sa tunga sang reklamo batuk sa pagtuhaw sang fixers sa pagkuha sang fast craft tickets pakadto sa isla sang Siquijor.Suno sa gobernador luyag niya man ini ipausisa sa Sangguniang Panlalawigan sang probinsya.Ang Siquijor ang isa sa mga ginadagsa karon nga isla sa Pilipinas sang mga tu...

Isa ka balay ang ginlamon sang kalayo sa may Proper Mananawin, Brgy Masulog sa Canlaon City, Negros Oriental Lunes sang hapon.Sa inisyal nga imbestigasyon sang Bureau of Fire Protection sang Canlaon, electrical in nature ukon kuryente ang gin halinan sang sunog.Isa ka 27 anyos nga lalaki nga residente man sa lugar ang nag agum sang first degree burns sa iya nga tiil.Ginabulubanta nagdangat a P50,000 ang halit sang kalayo.