Romeo Subaldo

CPG photoGrupo sang mga Negrense ang nagsakdag sang isa ka community memorial para kay anay presidente Noynoy Aquino.Ang grupo ang nagtipon sa San Antonio Abad Parish Church, Sabado sang gab-i sa tinutuyo nga mapasalamatan sa iya nga serbisyo sa pungsod.Isa ka misa ang ginsakdag sa pagdumdom sang ika napulo nga adlaw humalin sang nagtaliwan si Aquino.Naka suksok sang yellow kag itom nga tshirt ang mga nagtambong.Naghalad man sila sang yellow kag puti nga bulak, kag nagsindi sang kandila sa tarpaulin para kay PNoy.Suno kay Father Noli Blancaflor ginpatigayon ang memorial para sa decency nga iya nadala sa pungsod kag sa mga kaayuhan nga iya nahatag.Para naman kay Joy Jarabelo, nga provincial coordinator sang Federation of Urban Poor ang iya nga grupo nagapasalamat...

Nakabalik na sa iya nga pamilya sa Bacolod ang bangkay ni Major Eranyo Belen nga napatay sang nagligad nga semana matapos mag crash ang ila gina sakyan nga helicopter sa Capas, Tarlac upod sang lima pa ka personnel sang Philippine Air Force.Si Belen ang tumandok sang Dumaguete City pero siya ang naga puyo na sa Barangay Alijis sa Bacolod kun sa diin naga istar ang iya nga misis.Diri man gindala ang iya bangkay.Hunyo 23 sang gab-i sang naga patigayon sang night proficiency flight training sanday Belen nga isa sa mga co pilot, sang mag crash ang ila nga Blackhawk chopper.Ilubong si Belen sa Dominggo sa Heavens Gate Cemetery sa siudad sang Talisay.

May dugang nga 7,800 ka dose sang Sinovac vaccines ang nag abot para sa Bacolod kaina sang aga.Siudad sang Bacolod sarang na maka request sang supply sang bakuna kada semana.Naga padayon ang pag roll out sang mga bakuna sa mga barangay kag sa mga mall. Suno kay Dr. Chris Sorongon, deputy for medical data and analysis sang Bacolod Emergency Operations Center, mas naga damo na gid sa karon ang desidido nga magpabakuna.Ang nag abot nga mga bakuna kaina sang aga idugang pa gid sa mga supply nga gina gamit sa mga vaccination centers.Dugang pa ni Sorongon, karon nga nadala ang Bacolod sa 10 plus areas, ukon mga lugar nga may hinali nga pagsaka sang kaso sang Covid-19, isa man ang siudad sa mga prayoridad sang gobyerno nga matagaan sang supply sang bakuna.Kada semana sarang ma...