Shadow

Bacolod City sarang maka request sang dugang nga supply sang bakuna karon nga kabahin na ini sang ’10 plus’

May dugang nga 7,800 ka dose sang Sinovac vaccines ang nag abot para sa Bacolod kaina sang aga.

Siudad sang Bacolod sarang na maka request sang supply sang bakuna kada semana.

Naga padayon ang pag roll out sang mga bakuna sa mga barangay kag sa mga mall. Suno kay Dr. Chris Sorongon, deputy for medical data and analysis sang Bacolod Emergency Operations Center, mas naga damo na gid sa karon ang desidido nga magpabakuna.

Ang nag abot nga mga bakuna kaina sang aga idugang pa gid sa mga supply nga gina gamit sa mga vaccination centers.

Dugang pa ni Sorongon, karon nga nadala ang Bacolod sa 10 plus areas, ukon mga lugar nga may hinali nga pagsaka sang kaso sang Covid-19, isa man ang siudad sa mga prayoridad sang gobyerno nga matagaan sang supply sang bakuna.

Kada semana sarang maka request ang siudad sang dugang nga supply sang bakuna.

Leave a Reply

Your email address will not be published. Required fields are marked *

Secured By miniOrangeSecured By miniOrange