Shadow

1 pa ka PDL patay sa manhunt operation sang PNP kag BJMP

Nag responde ang Talisay PNP sa Sitio Catabla sa Barangay San Fernando sa Talisay City matapos ginpahibalo sang bjmp nga yara didto ang tatlo pa ka mga pugante gikan sa Negros Occidental.

Patay si Danilo Celeste sang gina alegar magbato sa mga pulis.

May nakuha nga pusil kag mga binangon sa balay kun sa diin siya nagpanago. Naka palagyo naman ang duha pa gid niya ka kaupdanan nga mga pugante nga sanday Francisco Epogon kag Alejandro Montoya.

Suno sa isa sa mga residente kag anay kagawad nga si George Esandarte, pila ka metros gikan sa ila nga balay ang balay ni Jade Katigan kun sa diin nakit-an nga naga panago ang mga pugante pero nabatian niya pa ang sunod sunod nga mga nilupok.

Ang tag iya ka balay nga si Jade ang nagpalagyo man gilayon sang natabo ang engkwentro.

Istorya pa sang mga residente, naga isahanon lang si Jade nga naga istar sa amo nga balay. Indi man silamaka siling kun bala didto nagtulog ang tatlo pero sang maabtan sang mga pulis kaina, naka boxers shorts lang si Celeste.

Matapos ang insidente natublag ang mga residente sang mahibaluan nga katapo sang robbery group ang naka lab-ot sa ila nga lugar.

Ang napatay nga si Danilo utod sang natiruhan man kag napatay sa banwa sang Murcia nga si Marvin Celeste.

Suno sa PNP katapo sang Celeste robbery group ang mag utod. Ini ang grupo nga sa likod sang serye sang robbery cases sa northern Negros.

Nadakpan man sa Murcia si Daniel Tamon.

Carnapping, robbery, illegal posession of fire arms kag attempted homicide ang kaso ni Danilo.

Ang at large nga si Epogon katapo sang Epogon robbery group nga may kaso nga robbery with violation against intimidationmof person kag robbery with homicide. Si Montoya naman may kaso nga carnapping, robbery illegal possession of firearms, attempted homicide kag acts of lasciviousness.

Gina usisa pa sang PNP ang impormasyon nga ginpasugtan sang tagbalay nga mag tinir sa iya nga balay ang mga pugante kag kun mapamatud-an ini pwede siya makasauhan.

Leave a Reply

Your email address will not be published. Required fields are marked *

Secured By miniOrangeSecured By miniOrange