Pagtalana sang animal welfare desk sa mga barangay ginaplano agud mapabaskog ang kampanya kontra animal abuse. May mga kaso sang animal abuse nga masami indi gilayon ma-atipanan sang natungdan nga ahensya tungod wala sang insigida nga madalaganan ang mga tag-reklamo ilabi mga katapo sang animal welfare rights organization sa Bacolod.
Gani sa public hearing nga ginpatigayon sang Committee on Women, Children Family and Child Care, nakasugtan ang pagtalana sang animal welfare desk sa tagsa ka mga barangay.
Ang mga personnel nga italana sa mga help desk ang ginakinahanglan magpaidalom sa training sang City Veterinary Office.
Ginduso ni Committee Chairperson Councilor Celia Flor ang amo nga lihok agud nga mapahagan-hagan ang mga kaso sang animal abuse kag mapasanyug pa ang kampanya angut sa responsible pet ownership.
Ini ang gina-abi abi sang mga animal welfare organization nga nagapasalig sang assistance sa mga tag-reklamo.