21 ka mga grupo sang local farmers kag producers ang nagasalida karon sang ila nga mga produkto sa Kadiwa ng Pangulo sa Fiest Market sa Ayala Malls Capitol Central.
Nagsugod kaina kag tubtob sa bwas maga baligya sang ila nga produkto ang mga local farmers ang producers.
Humalin sa prutas padulong sa utan, processed food kag iban pa gid nga agricultural products ang pwede nga mabakal.
Ini ang pamaagi sang gobyerno nga mabuligan ang mga local farmers and producers sa marketing sang ila nga mga produkto.
Tuyo sini nga mas mapalapit ini sa mga konsumedor.
Suno kay Dina Genzola ang OIC-Provincial Agriculturist nga competitive man ang presyuhanay sang mga produkto.
Nagaserbe man ini nga bulig nila labi na karon nga may El Nino nga gina eksperiensya kag labing apektado ang mga mangunguma.
Gina sakdag man ini sang gobyerno probnsyal, Department of Agriculture, Department of Labor and Employment, DILG.