Pag pat-od sang ruta sa mga e-bike kag e-trike itugyan sang Bacolod LGU sa kabarangayan. 57 pa lang sa mga barangay ang naka submit sang assessment report angut sa kadamuon sang naga byahe nga ebike, e-trike kag tricycle sa ila nasakpan.
Gani samtang gina-tun-an pa ang pagtukod sang comprehensive regulations angut sa mga e-bike, e-trike kag tricycle, ginmando ni Mayor Albee Benitez ang dugang nga 30 day moratorium sa dakpanay.
Ginpahayag ni City Administrator Lucille Gelvolea nga plano sang alkalde nga itugyan sa mga barangay ang pagtalana sang rota agud nga mapaiway ang masami bangigay sang mga TODA.
Tuyo sang Bacolod LGU nga mapa rehistro ang tanan nga mga nagabyahe nga e-bike, e-trike kag tricycle agud nga mapabaskog pa ang kampanya kontra colorum kag masiguro ang ginakinahanglan nga mga units nga maga serbisyo sa mga pasahero.