
27 tanan Olive Ridley sea turtle hatchlings ukon buto ang gin-release sa Poblacion Beach sa Sipalay City sang Miyerklues.
Nakita ini sang mga empleyado sang Saka-saka beach resort sa sulod man mismo sang ila nga resort sa may Brgy. Nauhang.
Suno kay Bantay Dagat Coordinator Edsel Toledo ginkuha ini nila sa area kag ginhilway sa baybayon.
Masami may nagakakita sila nga mga pawikan nga naga pangitlog sa last quarter sang tuig kag naga ginuha ang mga buto sa first quarter sang tuig.
Gina abisuhan sang LGU ang pumuluyo nga kun may makita nga mga buto sang pawikan i-turnover ini sa otoridad kay ini ang ginakabig nga mga endangered animals.