May 11 ka mga firework related injury nga gin-report ang Department of Health Negros Island Region.
As of 2pm, December 26, pito ang firework related injuries nga na record sa Negros Occidental, isa naman sa Negros Oriental, duha sa Bacolod City kag isa sa Siquijor.
Suno sa DOH NIR ini ang gintuga sang nagkalain-lain nga palupok kaangay sang boga, 5 star, kwitis, triangulo, flying tiger kag sparkler.
Padayon ang kampanya sang Department of Health sa hilway sa peligro nga pag saulog sang bag-ong tuig. Ila gina pahanumdom ang mga ginikanan nga ang pag palupok peligroso sa mga kabataan. Dapat bantayan ang mga kabataan kag kun mahimo mga alternatibo nga pang pagahod na lamang ang gamiton sa pag sug-alaw sang bag-ong tuig.
Dugang pa sang DOH indi pag tugutan nga mabuhinan ang tudlo ukon mautdan sang kamot ang mga kabataan.