Masobra sa P980M nga collection gikan sa real property tax ang target nga malab-ot sang Bacolod LGU sa pihak sang ginapatuman nga tax amnesty.
Halin sang Disyembre 1, naga-alalawas ang kadamuon sang mga naga-proseso kag nagabayad sang real property tax sa opisina sang Land Tax Division sa Bacolod City Government Center. Kadam-an sa ila nagahingaw nga maka-avail sang 20 percent discount kag tax amnesty paagi sa Republic Act 12001 ukon ang Real Property Valuation and Assessment Reform Act.
Paathag ni Land Tax Division OIC Ma. Rebecca Balicas, sarang pa ma-avail ang 20 percent nga discount sang mga taxpayers nga temprano mag-settle sang ila balayran. Subong man sini ang tax amnesty nga magalawig sa duha ka tuig. Target sang Bacolod LGU nga malab-ot ang masobra P980M nga tax collection antes matapos ang tuig.
Bwas magapadyon nga bukas ang opisina sang Land Tax Division pati na ang satellite office sa SM City Mall para sa mga magabayad sang real property tax.