Gikan Crossing Pulupandan kag padulong sa proper sang banwa ang 18-anyos nga lalaki sakay sa iya nga motor sang gulpi lang siya nagdasig padalagan kag nakabunggo sa roadblock malapit sa Pulupandan PNP sa Brgy. Zone 4, Miyerkules sang gab-i.
Gintawag sang duty desk officer ang rider apang nagpalagyo ini.
Ginlagas sang kapulisan ang rider kag na-intercept sa national road sang Brgy. Patic apang liwat siya nga nalagyo, rason nga gin-block sang kapulisan ang iya alagyan sa kurbada nga bahin sang dalan, kag didto na natumba ang rider kag iya motor.
Sang gin-inspeksyon, wala sang may napakita nga driver’s license ang rider nga ginkilala kay alyas “JP”, 18-anyos, taga Brgy. Sampinit sa Bago City.
Ginsiling ni Police Capt. Rowell Peniero, hepe sang Pulupandan PNP, wala mahingagaw file via inquest ang kaso batok sa rider rason nga gin-release siya matapos mag-lapse ang 12 hours nga reglementary period sang iya detention.
“Disobedience kag resisting arrest under Article 151 of the Revised Penal Code.. Nahadlok siya kuno kay wala siya driver’s license kag nakainom siya”, suno kay Peniero.
[sibwp_form id=1]