Nagamaneho ang security guard sang iya motor sang siya ang gintiro sang motorcycle-riding suspects sa Purok Manga, Barangay Palinpinon sa banwa sang Valencia, Negros Oriental, Huwebes sang aga.
Dead on arrival sa ospital ang 28-anyos nga biktima, isa ka empleyado sang pribado nga security agency kag residente sang Dumaguete City.
Nagwa sa imbestigasyon nga pareho ang direksyon nga ginapadulongan sang biktima kag sang mga suspek, sakay ang ila tagsa ka mga motor, sang nagluntad ang krimen.
Nagasakay sa Duke nga motor ang mga suspek nga tubtob karon wala pa madakpan. Nakasuksok ang driver sang duag gray nga jacket samtang duag orange naman ang t-shirt sang angkas sini.
Personal nga dumtanay ang isa sa mga anggulo nga ginalantaw sang PNP.
[sibwp_form id=1]