May 45 ka mga bag-o nga kaso sang Human Immunodeficiency Virus ukon HIV ang na record sa una nga quarter sang 2026 kag may tatlo na ka persona ang ginbawian sang kabuhi.
Sa record sang Department of Health, nagdangat na sa 1,437 ang aktibo nga kaso sang HIV sa Bacolod City.
Ginsiling ni Jonathan Diaz, focal person sang Council, nga 15 anyos ang pinakabata sa Bacolod City nga nagpositibo sa HIV.
Suno sa iya, padayon ang massive testing sang siudad sa mga eskwelahan kag mga barangay agud madapatan sang nagakaigo nga pagbulong ang mga positibo sa HIV.
Dugang ni Diaz, dako nga pagpanghangkat sa ila nga kampanya batuk sa HIV, amo ang indi pag padayon sa pagpabulong sang mga persons living with HIV sa mga hospital.
Suno sa iya ang iban sa mga biktima ang nahuya na nga magbalik-balik sa ospital.
May pila ka mga pasilidad sa Bacolod City ang bukas para sa mga check ups kag bulong sang mga persons living with HIV.
May mga programa naman ang siudad para sa pag-educate sa publiko, ilabi na sa mga eskwelahan may angut sa HIV.
[sibwp_form id=1]