Shadow

Supporters ni Mayor Sara Duterte nagalaum nga mapapili siya bilang presidente

Kahapon gin withdraw ni Mayor Sara Duterte ang iya nga certificate of candidacy bilang mayor sang Davao City. Ang iya utod nga si Sebastian nag withdraw man sang iya COC sa pagka bise alkalde kay siya ang mabulos sa iya nga utod sa pagpa pili bilang mayor.

Isa ka dako nga palamangkutanon sa karon kun ano nga national position ang papilian ni sang alkalde. Para kay retired Police Colonel William Senoron, ang convenor sang Padayona Inday Sara-Negros Occidental naga laum sila nga mapa pili bilang presidente ang alkalde sang Davao.

“Kami sa grupo namon we are pushing her to run for president.. As presidente ofcourse ang pag withdraw niya sang candidacy niya is a welcome development sa part sang padayona Inday sara kay naka kita na kami sang kasanag bala,” suno kay Senoron.

Ang Padayona Inday Sara sa Negros Occidental ang may yara na sang kinse tubtob desi siyete mil ka mga katapo suno sa kay Senoron kag gikan sila sa nagkalain lain nga mga sektor.

Pero paathag ni Senoron nga kun mag bise presidente gid man si Mayor Duterte, ila siya nga suportahan sa gihapon kag kun sino man ang iya mangin presidente.

May mga mayor na sa Negros Occidental nga nag pahayag sang ila nga pagsuporta sa mayor sang Davao City kun siya ang mapa pili bilang presidente.

Damlag pa nag kitanay sa Cebu si Mayor Duterte kag si anay senador Ferdinand Marcos Jr. Si Marcos ang nag file man sang COC nga mapa pili bilang presidente.

Leave a Reply

Your email address will not be published. Required fields are marked *

Secured By miniOrangeSecured By miniOrange