Sa sini nga mga litrato sang Technological University of the Philippines, makita ang pag develop sang mga laboratories kag iban pa nga mga school facilities.
Pati ang mga banyo wala maka luwas sa gina himo nga mga pagbag-o para malikawan nga malatnan sang Covid-19 ang mga estudyante kag manunudlo kun mag sugod na ang in person classes.
Suno kay Eric Malo-oy, campus director sang TUP-V, humalin pa sang nagligad nga binulan nangin masako na ang pamunuan sang TUP Visayas sa pagpanghanda para sa liwat nga pagbalik sang klase.
Ini matapos nga ginapahanugutan na sang Commission on Higher Education ang limited in-person classes sa mga kolehiyo nga yara sa mga lugar nga napaidalom sa alert level 2 panubo,
Ang Negros Occidental kag siudad sang Bacolod ang yara sa alert level 2.
Dugang pa ni Malooy, mabudlay ang mga ginahimu nila nga adjustment pero ila ginalauman nga sa Enero masugdan na sang kolehiyo ang limited ini-person classes kun maaprobahan na sang CHED, Department of Health kag local government unit ang ila application.
Ang College of Medicine kag College of Nursing sang University of St La Salle ang magasugod na sa limited face to face classes sa Nobyembre 22.
Ang USLS, Southland College sa Kabanklan City kag Northern Negros State College of Science and Technology sa Cadiz City ang pila sa mga buluthuan nga natagaan sang certificate of authority sang CHED para makasugod na balik sa klase ang mga estudyante.
May pila pa ka mga pribado nga kolehiyo sa Bacolod, nalakip na diri ang Colegio San Agustin – Bacolod ang natalana nga iga-evaluate sang CHED, DOH kag tiglawas sang LGU para man maka patuman sang limited face to face classes.