Shadow

Kilala nga German footwear nga brand nagbukas sa Bacolod sa tunga sang pandemic

Kadungan sang pag halog sang resctrictions sa mga mall… Pormal na nga gin lunsar kaina sang aga ang Birkentsock nga outlet sa SM City Bacolod.

Kun sadto anay ang ini nga German footwear brand ang makita nga gna baligya sa mga stores kaupod sa iban nga mga brand, subong may kaugalingon na ini nga store para lang gid sa iya nga brand.

Suno sa kay Hazel Ditching, ang area sales head sang Primer Group of Companies nga amo ang naga retail sang Birkenstock, sa pihak sang pandemic may yara sa gihapon sang dako nga market para sa sini nga brand sa Bacolod amo kun ngaa may negosyante nga nangisog nga mag bukas sa siudad.

Sa bilog nga Pilipinas, ini ang ika duha nga branch nga may bag-o nga retail concept. Ang una, ang ginbuksan man sa panahon sang pandemic sa Megaworld Lucky Chinatown Mall sa Metro Manila.

Dugang pa niya, kilala ang ini nga brand bilang environment friendly bangud ang core materials ang himo sa cork, leather kag jute.

Tuig 1774 nag sugod ang paghimo sang foot wear sang Birkenstock nga brand kag padayon ini nga gina kilala bilang isa sa mga leading brands sa kalibutan. Gani suno kay Ditching indi malikawan nga pilit ini nga gina sunod.

Isa man ini sa mga rason kun ngaa may gintukod nga branch sa Bacolod para directa nga maka bakal ang consumers sang brand sang original nga foot wear.

Kag isa pa gid sa mga rason para mas madamo pa gid pili-an ang mga manugbakal.

Kaina may pila man ka mga kilala nga mga personalidad nga natagaan sang higayon nga maka pili sang ila naluyagan nga style

Yara ini nahamtang sa ground floor sang SM City Bacolod sa tabok lang sang entrance sang department store.

Leave a Reply

Your email address will not be published. Required fields are marked *

Secured By miniOrangeSecured By miniOrange